زاہد نہیں مسجد سے کم حرمت مے خانہ
عشق اورنگ آبادیزاہد نہیں مسجد سے کم حرمت مے خانہ
مستوں کی جماعت میں محراب ہے پیمانہ
کیوں زلف تری الجھی رہتی ہے اے جانانہ
حاضر ہے دل صد چاک درکار ہو گر شانہ
دیکھے جو تری صورت ہو جائے ہے دیوانہ
ہے عکس سے تجھ رخ کے آئینہ پری خانہ
اس دل کا مرے جلنا رکھتا ہے وہ کیفیت
دیکھے گا جو پروانہ ہو جائے گا مستانہ
اک نقد نگہ پر عشقؔ بکتا ہے تو کر سودا
دے بہر خریداری دیدار کا بیعانہ
zahid nahin masjid se kam hurmat-e-mai khana
maston ki jamaat mein mehrab hai paimana
kyun zulf tiri uljhi rahti hai ai janana
hazir hai dil-e-sad chak darkar ho gar shana
dekhe jo tiri surat ho jae hai diwana
hai aks se tujh rukh ke aina pari khana
is dil ka mire jalna rakhta hai wo kaifiyat
dekhega jo parwana ho jaega mastana
ik naqd nigah par ishq bikta hai to kar sauda
de bahr kharidari didar ka baiana