رہتا ہے زلف یار مرے من سے من لگا

رہتا ہے زلف یار مرے من سے من لگا

اے ناگ ترے ہاتھ یہ کیا خوب من لگا

دیکھا ہے جن نے روئے دل افروز کو ترے

بے شک نظر میں باغ ارم اس کی بن لگا

سرسبز نت رکھیں گے انہیں میرے اشک و آہ

اے نو بہار حسن جو چاہے چمن لگا

سینہ سپر کر آؤں گا کوچے میں میں ترے

گرچہ رقیب بیٹھے ہیں واں تن سے تن لگا

کیا فائدہ ہے قصۂ رضوان سے تجھے

کوئی شمع رو پری ستے تو بھی لگن لگا

آگاہؔ خار خار جدائی سے ہے حزیں

یک بار تو گلے سے اسے گل بدن لگا

rahta hai zulf-e-yar mire man se man laga

ai nag tire hath ye kya khub man laga

dekha hai jin ne ru-e-dil afroz ko tire

be shak nazar mein bagh-e-iram us ki ban laga

sarsabz nit rakhenge unhen mere ashk-o-ah

ai nau bahar-e-husn jo chahe chaman laga

sina sipar kar aunga kuche mein main tire

garche raqib baithe hain wan tan se tan laga

kya faida hai qissa-e-rizwan se tujhe

koi shama ro pari satte tu bhi lagan laga

agah khar khar judai se hai hazin

yak bar to gale se use gul badan laga