روک دے موت کو بھی آنے سے
شرف مجددیروک دے موت کو بھی آنے سے
کون اٹھے تیرے آستانے سے
بجلیاں گرتی ہیں گریں ہم پر
ان کو مطلب ہے مسکرانے سے
ہو مبارک شباب کی دولت
کچھ تو دلوا لئے خزانے سے
دخت رز اور تو کہاں ملتی
کھینچ لائے شراب خانے سے
جان پر بن گئی شرفؔ آخر
کیا ملا ہائے دل لگانے سے
rok de maut ko bhi ane se
kaun uthe tere astane se
bijliyan girti hain giren ham par
un ko matlab hai muskurane se
ho mubarak shabab ki daulat
kuchh to dalwa liye khazane se
dukht-e-raz aur to kahan milti
khinch lae sharab khane se
jan par ban gai sharaf akhir
kya mila hae dil lagane se