رکھنا خم گیسو میں یا دل کو رہا کرنا

رکھنا خم گیسو میں یا دل کو رہا کرنا

کچھ کہہ تو سہی ظالم آخر تجھے کیا کرنا

کیا تم سے زیادہ ہے دنیا میں حسیں کوئی

ایمان سے کہہ دینا انصاف ذرا کرنا

سہنی بھی جفا ان کی کرنی بھی وفا ان سے

ان کی بھی خوشی کرنی دل کا بھی کہا کرنا

بوسہ بھی مجھے دینا ہونٹوں میں بھی کچھ کہنا

جینے کی دوا دینا مرنے کی دعا کرنا

ترچھی چتون نے لاکھوں ہی کئے بسمل

اے ترک ترا ناوک کیا جانے خطا کرنا

بیداد کا اب شکوہ بے جا ہے نسیمؔ ان سے

تھا تم کو محبت کا اظہار ہی کیا کرنا

rakhna kham-e-gesu mein ya dil ko raha karna

kuchh kah to sahi zalim akhir tujhe kya karna

kya tum se ziyada hai duniya mein hasin koi

iman se kah dena insaf zara karna

sahni bhi jafa un ki karni bhi wafa un se

un ki bhi khushi karni dil ka bhi kaha karna

bosa bhi mujhe dena honton mein bhi kuchh kahna

jine ki dawa dena marne ki dua karna

tirchhi chitwan ne lakhon hi kiye bismil

ai tark tira nawak kya jane khata karna

bedad ka ab shikwa-e-be ja hai nasim un se

tha tum ko mohabbat ka izhar hi kya karna