رکے ہے آمد و شد میں نفس نہیں چلتا

رکے ہے آمد و شد میں نفس نہیں چلتا

یہی ہے حکم الٰہی تو بس نہیں چلتا

ہوا کے گھوڑے پہ رہتا ہے وہ سوار مدام

کسی کا اس کے برابر فرس نہیں چلتا

گزشتہ سال جو دیکھا وہ اب کے سال نہیں

زمانہ ایک سا بس ہر برس نہیں چلتا

نہیں ہے ٹوٹے کی بوٹی جہان میں پیدا

شکستہ جب ہوا تار نفس نہیں چلتا

ruke hai amad-o-shud mein nafas nahin chalta

yahi hai hukm ilahi to bas nahin chalta

hawa ke ghore pe rahta hai wo sawar mudam

kisi ka us ke barabar faras nahin chalta

guzishta sal jo dekha wo ab ke sal nahin

zamana ek sa bas har baras nahin chalta

nahin hai tute ki boti jahan mein paida

shikasta jab hua tar-e-nafas nahin chalta