رہ و رسم آشنائی

زمیں نئی تھی، فلک نا شناس تھا جب ہم

تری گلی سے نکل کر سوئے زمانہ چلے

نظر جھکا کے بہ انداز مجرمانہ چلے

چلے بہ جیب دریدہ، بہ دامن صد چاک

کہ جیسے جنس دل و جاں گنوا کے آئے ہیں

تمام نقد سیادت لٹا کے آئے ہیں

جہاں اک عمر کٹی تھی، اسی قلمرو میں

شناخت کے لئے ہر شاہراہ نے ٹوکا

ہر اک نگاہ کے نیزے نے راستہ روکا

جہاں جلے تھے ترے حسن آتشیں کے کنول

وہاں الاؤ تو کیا، راکھ کا نشاں بھی نہ تھا

چراغ کشتۂ محفل دھواں دھواں بھی نہ تھا

مسافرت نے پکارا نئے افق کی طرف

اگر وفا کی شریعت کا یہ صلہ ہوگا

نئے افق سے تعارف کے بعد کیا ہوگا

zamin nai thi, falak na shanas tha jab ham

tiri gali se nikal kar su-e-zamana chale

nazar jhuka ke ba andaz-e-mujrimana chale

chale ba jeb-e-darida, ba daman-e-sad chak

ke jaise jins-e-dil-o-jan ganwa ke ae hain

tamam naqd siyadat luta ke ae hain

jahan ik umr kati thi, isi qalamrau mein

shanakht ke liye har shahrah ne toka

har ik nigah ke neze ne rasta roka

jahan jale the tire husn atishin ke kanwal

wahan alao to kya, rakh ka nishan bhi na tha

charagh-e-kushta-e-mahfil dhuan dhuan bhi na tha

masafrat ne pukara nae ufuq ki taraf

agar wafa ki shariat ka ye sila hoga

nae ufuq se taaruf ke baad kya hoga