روٹھو گے بے سبب تو منایا نہ جائے گا

روٹھو گے بے سبب تو منایا نہ جائے گا

بے جا تمہارا ناز اٹھایا نہ جائے گا

وہ ساتھ لائیں غیر کو گر بزم میں تو کیا

آنکھوں پہ منتوں سے بٹھایا نہ جائے گا

یوں میرے ساتھ بزم میں غیروں کا بیٹھنا

وہ اعتراض ہے کہ اٹھایا نہ جائے گا

ہوگا اثر جو دل میں تو خود جان لیں گے وہ

مشتاقؔ ہم سے عشق جتایا نہ جائے گا

ruthoge be sabab to manaya na jaega

be ja tumhara naz uthaya na jaega

wo sath laen ghair ko gar bazm mein to kya

ankhon pe minnaton se bithaya na jaega

yun mere sath bazm mein ghairon ka baithna

wo etiraz hai ke uthaya na jaega

hoga asar jo dil mein to khud jan lenge wo

mushtaq ham se ishq jataya na jaega