رہ کے پردے میں رخ پر نور کی باتیں نہ کر

رہ کے پردے میں رخ پر نور کی باتیں نہ کر

دور سے باتیں سنا کر دور کی باتیں نہ کر

بیٹھ کر دنیا میں زاہد حور کی باتیں نہ کر

رہ کے اتنی دور اتنی دور کی باتیں نہ کر

لن ترانی جلوۂ جاناں تری اچھی نہیں

میں کوئی موسیٰ نہیں ہوں طور کی باتیں نہ کر

میری بے ہوشی بڑھی جاتی ہے اس تدبیر سے

چارہ گر تو دیدۂ مخمور کی باتیں نہ کر

اپنا غم مجھ کو پرائے غم سے یاد آنے لگا

ہم نشیں مجھ سے دل رنجور کی باتیں نہ کر

پاس آنے کو جو کہتا ہوں تو مضطرؔ ناز سے

کہتے ہیں چل دور اتنی دور کی باتیں نہ کر

rah ke parde mein rukh pur nur ki baten na kar

dur se baten suna kar dur ki baten na kar

baith kar duniya mein zahid hur ki baten na kar

rah ke itni dur itni dur ki baten na kar

lan tarani jalwa-e-janan tiri achchhi nahin

main koi musa nahin hun tur ki baten na kar

meri be hoshi barhi jati hai is tadbir se

chara gar to dida-e-makhmur ki baten na kar

apna gham mujh ko parae gham se yad ane laga

ham nashin mujh se dil-e-ranjur ki baten na kar

pas ane ko jo kahta hun to muztar naz se

kahte hain chal dur itni dur ki baten na kar