رہ شوق سے اب ہٹا چاہتا ہوں

رہ شوق سے اب ہٹا چاہتا ہوں

کشش حسن کی دیکھنا چاہتا ہوں

کوئی دل سا درد آشنا چاہتا ہوں

رہ عشق میں رہنما چاہتا ہوں

تجھی سے تجھے چھیننا چاہتا ہوں

یہ کیا چاہتا ہوں یہ کیا چاہتا ہوں

خطاؤں پہ جو مجھ کو مائل کرے پھر

سزا اور ایسی سزا چاہتا ہوں

وہ مخمور نظریں وہ مدہوش آنکھیں

خراب محبت ہوا چاہتا ہوں

وہ آنکھیں جھکیں وہ کوئی مسکرایا

پیام محبت سنا چاہتا ہوں

تجھے ڈھونڈھتا ہوں تری جستجو ہے

مزا ہے کہ خود گم ہوا چاہتا ہوں

یہ موجوں کی بے تابیاں کون دیکھے

میں ساحل سے اب لوٹنا چاہتا ہوں

کہاں کا کرم اور کیسی عنایت

مجازؔ اب جفا ہی جفا چاہتا ہوں

rah-e-shauq se ab hata chahta hun

kashish husn ki dekhna chahta hun

koi dil sa dard-e-ashna chahta hun

rah-e-ishq mein rahnuma chahta hun

tujhi se tujhe chhinna chahta hun

ye kya chahta hun ye kya chahta hun

khataon pe jo mujh ko mail kare phir

saza aur aisi saza chahta hun

wo makhmur nazren wo madhosh ankhen

kharab-e-mohabbat hua chahta hun

wo ankhen jhuken wo koi muskuraya

payam-e-mohabbat suna chahta hun

tujhe dhundhta hun tiri justuju hai

maza hai ke khud gum hua chahta hun

ye maujon ki be tabiyan kaun dekhe

main sahil se ab lautna chahta hun

kahan ka karam aur kaisi inayat

majaz ab jafa hi jafa chahta hun