رکھتے ہیں میرے اشک سے یہ دیدۂ تر فیض

رکھتے ہیں میرے اشک سے یہ دیدۂ تر فیض

دامن میں لیا اپنے ہے دریا نے گہر فیض

پر نور عجب کیا ہے کرے مجھ کو کرم سے

رکھتی ہے دو عالم پہ تری ایک نظر فیض

اک جام پہ بخشے ہے یہاں رتبہ جسم کو

کس کی نگہ مست سے رکھتا ہے خمر فیض

محروم نہیں کوئی ترے خوان کرم سے

ہے حصر خدائی کا ہی تجھ پہ مگر فیض

چنداؔ رہے پرتو سے ترے یا علی روشن

خورشید کو ہے در سے ترے شام و سحر فیض

rakhte hain mere ashk se ye dida-e-tar faiz

daman mein liya apne hai dariya ne guhar faiz

pur nur ajab kya hai kare mujh ko karam se

rakhti hai do alam pe tiri ek nazar faiz

ik jam pe bakhshe hai yahan rutba jism ko

kis ki nigah mast se rakhta hai khamr faiz

mahrum nahin koi tire khwan-e-karam se

hai hasr khudai ka hi tujh pe magar faiz

chanda rahe partau se tire ya ali raushan

khurshid ko hai dar se tire sham-o-sahar faiz