رکھتا ہوں طلائی رنگ اور اشک بھی موتی ہے — عشق اورنگ آبادی

Arooz is now on the App Store, for iPhone and iPad. Download →

عشق اورنگ آبادی

رکھتا ہوں طلائی رنگ اور اشک بھی موتی ہے

منعم کے بھی گھر آخر دولت یہی ہوتی ہے

سنبل کی پریشانی کب کم تھی کہ پھر تس پر

شبنم جو سرشک اس کے مژگاں میں پروتی ہے

عالی سے میں جا پوچھا کیا واقعہ یاں گزرا

گل چاک گریباں ہے شبنم ہے کہ روتی ہے

دم سرد ہی وہ بھر کر یہ مجھ سے لگا کہنے

ہر صبح گلستاں کی حالت یہی ہوتی ہے

عشقؔ اپنی فنا کا خوف سرکش کے نہیں دل میں

کب شمع یہ ہے روشن جو صبح بھی ہوتی ہے