رکھا پا جہاں میں نگارا زمیں پر

رکھا پا جہاں میں نگارا زمیں پر

بہت سر کو واں ہم نے مارا زمیں پر

جنوں جوش مارے ہے دیوار و در سے

ہوا کس پری کا گزارا زمیں پر

نہیں ہے یہ آہ فلک سا کہ ہم نے

علم شور سودا کا گاڑھا زمیں پر

قدم جس جگہ رکھا اس سنگ دل نے

نہ ہو واں بجز سنگ خارا زمیں پر

نظر سے تری جس نے ہم کو گرایا

فلک سے اٹھا کر کے مارا زمیں پر

تو روئے زمیں دیکھ لے سیر ہو کر

نہ ہوگا گزر پھر دوبارا زمیں پر

ترے نقش پا کو کہے اپنا ہم سر

نہیں ہے یہ منہ تو ہمارا زمیں پر

وہ زہرہ جبیں مہرباں ہووے حسرتؔ

کہاں ہے یہ اپنا ستارا زمیں پر

rakha pa jahan mein nigara zamin par

bahut sar ko wan ham ne mara zamin par

junun josh mare hai diwar-o-dar se

hawa kis pari ka guzara zamin par

nahin hai ye ah-e-falak sa ke ham ne

alam shor-e-sauda ka garha zamin par

qadam jis jagah rakha is sang dil ne

na ho wan bajuz sang-e-khara zamin par

nazar se tiri jis ne ham ko giraya

falak se utha kar ke mara zamin par

tu ru-e-zamin dekh le sair ho kar

na hoga guzar phir dobara zamin par

tire naqsh-e-pa ko kahe apna ham sar

nahin hai ye munh to hamara zamin par

wo zohra jabin mehrban howe hasrat

kahan hai ye apna sitara zamin par