رویا نہ ہوں جہاں میں گریباں کو اپنے پھاڑ

رویا نہ ہوں جہاں میں گریباں کو اپنے پھاڑ

ایسا نہ کوئی دشت ہے ظالم نہ کوئی اجاڑ

آتا ہے محتسب پئے تعزیر مے کشو

پگڑی کو اس کی پھینک دو داڑھی کو لو اکھاڑ

ثابت تھا جب تلک یہ گریباں خفا تھا میں

کرتے ہی چاک کھل گئے چھاتی کے سب کواڑ

میرے غبار نے تو ترے دل میں کی ہے جا

گو میری مشت خاک سے دامن کی تئیں تو جھاڑ

تاباںؔ زبس ہوائے جنوں سر میں ہے مرے

اب میں ہوں اور دشت ہے یہ سر ہے اور پہاڑ

roya na hun jahan mein gareban ko apne phar

aisa na koi dasht hai zalim na koi ujar

ata hai mohtasib piye taazir-e-mai kasho

pagri ko us ki phenk do darhi ko lo ukhar

sabit tha jab talak ye gareban khafa tha main

karte hi chak khul gae chhati ke sab kiwar

mere ghubar ne to tire dil mein ki hai ja

go meri musht-e-khak se daman ki tain to jhar

taban zabas hawa-e-junun sar mein hai mire

ab main hun aur dasht hai ye sar hai aur pahar