رکھا سر پر جو آیا یار کا خط

رکھا سر پر جو آیا یار کا خط

گیا سب درد سر کیا تھا دوا خط

دیا خط اور ہوں قاصد کے پیچھے

ہوا تاثیر میں کیا کہربا خط

وہیں قاصد کے منہ پر پھینک مارا

دیا قاصد نے جب جا کر مرا خط

ہے لازم حال خیریت کا لکھنا

کبھی تو بھیج او نا آشنا خط

رہا ممنون کاغذ ساز کا میں

سنا دے گا اسے سب ماجرا خط

پتا ملتا نہیں اس بے نشاں کا

لیے پھرتا ہے قاصد جا بجا خط

رہی حسرت یہ ساری عمر بہرامؔ

نہ مجھ کو یار نے ہرگز لکھا خط

rakha sar par jo aya yar ka khat

gaya sab dard-e-sar kya tha dawa khat

diya khat aur hun qasid ke pichhe

hawa tasir mein kya kohrba khat

wahin qasid ke munh par phenk mara

diya qasid ne jab ja kar mira khat

hai lazim hal khairiyat ka likhna

kabhi to bhej o na ashna khat

raha mamnun kaghaz saz ka main

suna dega use sab majra khat

pata milta nahin us be nishan ka

liye phirta hai qasid ja baja khat

rahi hasrat ye sari umr bahram

na mujh ko yar ne hargiz likha khat