برق رخسار یار پھر چمکی

برق رخسار یار پھر چمکی

اس چمن کی بہار پھر چمکی

تو نے پھر اس کو سان پر رکھا

تیرے خنجر کی دھار پھر چمکی

میرے گریے سے آب و تاب آیا

صورت روزگار پھر چمکی

خون عاشق سے وہ زہ دامن

دم شمشیر وار پھر چمکی

دیکھیو پانو رکھ دیا کس نے

آج کیوں نوک خار پھر چمکی

وہ جو اک ٹیس سی ہے دل میں مرے

رہ کے بے اختیار پھر چمکی

مصحفیؔ کی جو تو نے در ریزی

شاعری تیری یار پھر چمکی

barq rukhsar-e-yar phir chamki

is chaman ki bahar phir chamki

tu ne phir us ko san par rakha

tere khanjar ki dhar phir chamki

mere giriye se ab-o-tab aya

surat-e-rozgar phir chamki

khun-e-ashiq se wo zeh-e-daman

dam-e-shamshir war phir chamki

dekhiyo paon rakh diya kis ne

aj kyun nok-e-khar phir chamki

wo jo ik tis si hai dil mein mire

rah ke be ikhtiyar phir chamki

mushafi ki jo tu ne dar rezi

shayari teri yar phir chamki