رنگ گفتگو

ناز تھا خوبئ گفتار پہ مجھ کو لیکن

آج پھولوں نے پکارا مجھے رنگ و بو سے

تو نظر آیا کہ پتھر بھی زباں رکھتے ہیں

ہر مکاں مکینوں کی ہے تفسیر نظر

شوکت شاہ کا عنوان بنا اس کا محل

سنگ دیوار نے دی اس کے تحفظ کو زباں

جھونپڑی غربت مزدور کی ہے مرثیہ خواں

چیتھڑے چیختے ہیں جیب کی ناداری پر

آبلہ پائی سے آتی ہے سفر کی خوشبو

گرد ملبوس سے ملتی ہے مسافر کی خبر

کس کی آواز سنوں کس کی صدا پر بولوں

naz tha khubi-e-guftar pe mujh ko lekin

aj phulon ne pukara mujhe rang-o-bu se

tu nazar aya ke patthar bhi zaban rakhte hain

har makan makinon ki hai tafsir nazar

shaukat-e-shah ka unwan bana us ka mahal

sang diwar ne di us ke tahaffuz ko zaban

jhonpari ghurbat mazdur ki hai marsiya khwan

chithre chikhte hain jeb ki nadari par

abla pai se ati hai safar ki khushbu

gard malbus se milti hai musafir ki khabar

kis ki awaz sunun kis ki sada par bolun