روح کی موت

چمک سکے جو مری زیست کے اندھیرے میں

وہ اک چراغ کسی سمت سے ابھر نہ سکا

یہاں تمہاری نظر سے بھی دیپ جل نہ سکے

یہاں تمہارا تبسم بھی کام کر نہ سکا

لہو کے ناچتے دھارے کے سامنے اب تک

دل و دماغ کی بے چارگی نہیں جاتی

جنوں کی راہ میں سب کچھ گنوا دیا لیکن

مرے شعور کی آوارگی نہیں جاتی

نہ جانے کس لئے اس انتہائے حدت پر

مرا دماغ سلگتا ہے جل نہیں جاتا

نہ جانے کیوں ہر اک امید لوٹ جانے پر

مرے خیال کا لاوا پگھل نہیں جاتا

نہ جانے کون سے ہونٹوں کا آسرا پا کر

تمہارے ہونٹ مری تشنگی کو بھول گئے

وہی اصول جو محکم تھے نرم سائے میں

ذرا سی دھوپ میں نکلے تو جھول جھول گئے

chamak sake jo miri zist ke andhere mein

wo ik charagh kisi samt se ubhar na saka

yahan tumhari nazar se bhi dip jal na sake

yahan tumhara tabassum bhi kam kar na saka

lahu ke nachte dhare ke samne ab tak

dil-o-dimagh ki be chargi nahin jati

junun ki rah mein sab kuchh ganwa diya lekin

mire shuur ki awargi nahin jati

na jane kis liye is intiha-e-hiddat par

mira dimagh sulagta hai jal nahin jata

na jane kyun har ik ummid laut jane par

mire khayal ka lawa pighal nahin jata

na jane kaun se honton ka asra pa kar

tumhare hont miri tishnagi ko bhul gae

wahi usul jo mohkam the narm sae mein

zara si dhup mein nikle to jhul jhul gae