روح کو آج ناز ہے اپنا وقار دیکھ کر

روح کو آج ناز ہے اپنا وقار دیکھ کر

اس نے چڑھائیں تیوریاں میرا قرار دیکھ کر

قصد گلہ نہ تھا مگر حشر میں شوق جوش سے

ہاتھ مرا نہ رک سکا دامن یار دیکھ کر

دیکھ کے ایک بار انہیں دل سے تو ہاتھ دھو چکے

دیکھیے کیا گزرتی ہے دوسری بار دیکھ کر

آتے ہیں وہ تو پہلے ہی رنج سے صاف ہو رہوں

آ کے کہیں پلٹ نہ جائیں دل میں غبار دیکھ کر

وصل سے گزرے اے خدا ہاں یہ شگون چاہیئے

صبح کو ہم اٹھا کریں روئے نگار دیکھ کر

کعبہ کو جا نہ شوقؔ ابھی نیت زندگی بخیر

ہم بھی چلیں گے تیرے ساتھ اب کی بہار دیکھ کر

ruh ko aj naz hai apna waqar dekh kar

us ne charhaen tewriyan mera qarar dekh kar

qasd gila na tha magar hashr mein shauq josh se

hath mira na ruk saka daman-e-yar dekh kar

dekh ke ek bar unhen dil se to hath dho chuke

dekhiye kya guzarti hai dusri bar dekh kar

ate hain wo to pahle hi ranj se saf ho rahun

a ke kahin palat na jaen dil mein ghubar dekh kar

wasl se guzre ai khuda han ye shugun chahiye

subh ko ham utha karen ru-e-nigar dekh kar

kaaba ko ja na shauq abhi niyyat-e-zindagi bakhair

ham bhi chalenge tere sath ab ki bahar dekh kar