روبرو آنا چھپانا چھوڑ دے
جمیلہ خدا بخشروبرو آنا چھپانا چھوڑ دے
لن ترانی کا سنانا چھوڑ دے
جلوہ گر ہو جا مرے دل میں صنم
کو بہ کو مجھ کو پھرانا چھوڑ دے
اب تو مشت خاک باقی رہ گئی
شعلۂ فرقت جلانا چھوڑ دے
رنج سہنے کی نہیں طاقت مجھے
غیر کی محفل میں جانا چھوڑ دے
مثل بت خاموش ہو جاؤں گا میں
گر سلاسل غل مچانا چھوڑ دے
اے صبا سرگشتہ میں کب تک رہوں
میری مٹی کا اڑانا چھوڑ دے
تار تار اب ہو گئے دامن مرے
پنجۂ وحشت سنانا چھوڑ دے
رخ پہ آ کر بے ادب کرتے ہیں بل
گیسوؤں کا سر چھڑانا چھوڑ دے
ہوں جمیلہؔ کی طرح میں غمزدہ
اے فلک میرا ستانا چھوڑ دے
rubaru ana chhupana chhor de
lan tarani ka sunana chhor de
jalwa gar ho ja mire dil mein sanam
ku ba ku mujh ko pharana chhor de
ab to musht-e-khak baqi rah gai
shola-e-furqat jalana chhor de
ranj sahne ki nahin taqat mujhe
ghair ki mahfil mein jana chhor de
misl-e-but khamosh ho jaunga mein
gar salasil ghul machana chhor de
ai saba sargashta mein kab tak rahun
meri mitti ka urana chhor de
tar tar ab ho gae daman mire
panja-e-wahshat sunana chhor de
rukh pe a kar be adab karte hain bal
gesuon ka sar chhurana chhor de
hun jamilahu ki tarah main ghamzada
ai falak mera satana chhor de