روز دلہائے مے کشاں ٹوٹے

روز دلہائے مے کشاں ٹوٹے

اے خدا جام آسماں ٹوٹے

دشمنی اس زمین کی دیکھو

گنبد قبر دوستاں ٹوٹے

وصف ابروئے پر شکن جو نہ ہو

کیا عجب خنجر زباں ٹوٹے

رنگ لائے اگر شکستہ دلی

بلبلو شاخ آشیاں ٹوٹے

نکہت گل سے بس گیا گلشن

غنچہ کیا چٹکے عطرداں ٹوٹے

خوب پھیلی ہے بوئے بادۂ عشق

شیشۂ دل کہاں کہاں ٹوٹے

لے اڑے گی ہوائے بام ہمیں

نہ کریں گے جو نردباں ٹوٹے

قصد پرواز کا جو بوجھ پڑا

بازوئے مرغ ناتواں ٹوٹے

لکھنؤ چل کے جی لگاؤں منیرؔ

کس لئے دل مرا یہاں ٹوٹے

roz dulha-e-mai kashan tute

ai khuda jam-e-asman tute

dushmani is zamin ki dekho

gumbad-e-qabr dostan tute

wasf-e-abrue par shikan jo na ho

kya ajab khanjar-e-zaban tute

rang lae agar shikasta dili

bulbulo shakh-e-ashiyan tute

nikhat-e-gul se bas gaya gulshan

ghuncha kya chatke itrdan tute

khub phaili hai bu-e-bada-e-ishq

shisha-e-dil kahan kahan tute

le uregi hawa-e-bam hamen

na karenge jo nardban tute

qasd parwaz ka jo bojh para

bazu-e-murgh-e-natawan tute

lakhnau chal ke ji lagaun munir

kis liye dil mira yahan tute