رواں رہتا ہے کس کی موج میں دن رات تو پانی

رواں رہتا ہے کس کی موج میں دن رات تو پانی

تجھے کس گوہر نایاب کی ہے جستجو پانی

وہی میرے لیے ساقی مئے گلفام بن جائے

جو اپنے دست نازک سے پلا دے مجھ کو تو پانی

اگر دریا میں تم دست حنائی اپنے دھو لیتے

تو اب تک ہو گیا ہوتا کبھی کا سرخ رو پانی

کیا کرتے تھے بڑھ بڑھ کر بہت باتیں صفائی کی

مرے اشکوں نے کر دی موتیوں کی آبرو پانی

بہت آسان ہے مضطر ذلیل و خوار ہو جانا

جو مشکل ہے تو چشم خلق میں کچھ آبرو پانی

rawan rahta hai kis ki mauj mein din rat to pani

tujhe kis gauhar-e-nayab ki hai justuju pani

wahi mere liye saqi mai gulfam ban jae

jo apne dast-e-nazuk se pila de mujh ko to pani

agar dariya mein tum dast-e-hinai apne dho lete

to ab tak ho gaya hota kabhi ka surkh ru pani

kiya karte the barh barh kar bahut baten safai ki

mire ashkon ne kar di motiyon ki abru pani

bahut asan hai muztar zalil-o-khwar ho jana

jo mushkil hai to chashm-e-khalq mein kuchh abru pani