روح کو راہ عدم میں مرا تن یاد آیا

روح کو راہ عدم میں مرا تن یاد آیا

دشت غربت میں مسافر کو وطن یاد آیا

چٹکیاں دل میں مرے لینے لگا ناخن عشق

گلبدن دیکھ کے اس گل کا بدن یاد آیا

وہم ہی وہم میں اپنی ہوئی اوقات بسر

کمر یار کو بھولے تو دہن یاد آیا

برگ گل دیکھ کے آنکھوں میں ترے پھر گئے لب

غنچہ چٹکا تو مجھے لطف سخن یاد آیا

در بدر پھر کے دلا گھر کی ہمیں قدر ہوئی

راہ غربت میں جو بھولے تو وطن یاد آیا

آہ کیوں کھینچ کے آنکھوں میں بھر آئے آنسو

کیا قفس میں تجھے اے مرغ چمن یاد آیا

پھر امانتؔ مرا دل بھول گیا عیش و طرب

پھر مجھے روضۂ سلطان زمن یاد آیا

ruh ko rah-e-adam mein mira tan yad aya

dasht-e-ghurbat mein musafir ko watan yad aya

chutkiyan dil mein mire lene laga nakhun-e-ishq

gulbadan dekh ke us gul ka badan yad aya

wahm hi wahm main apni hui auqat basar

kamar-e-yar ko bhule to dahan yad aya

barg-e-gul dekh ke ankhon mein tire phir gae lab

ghuncha chatka to mujhe lutf-e-sukhan yad aya

dar badar phir ke dila ghar ki hamen qadr hui

rah-e-ghurbat mein jo bhule to watan yad aya

ah kyun khinch ke ankhon mein bhar ae ansu

kya qafas mein tujhe ai murgh-e-chaman yad aya

phir amanat mira dil bhul gaya aish-o-tarab

phir mujhe rauza-e-sultan zaman yad aya