رنگ‌ گل شگفتہ ہوں آب رخ چمن ہوں میں

رنگ‌ گل شگفتہ ہوں آب رخ چمن ہوں میں

شمع حرم چراغ دیر قشقہ برہمن ہوں میں

کثرت جور یار سے سب ہیں یہ میرے جزو تن

سوز و ملال و یاس و درد رنج و غم و محن ہوں میں

میں ہوں نسیم تو بہار میں ہوں شمیم زلف یار

گو کہ نظر سے ہوں نہاں داخل انجمن ہوں میں

سرو نشیں اور ہیں شاخ نشیں گل اور ہیں

قمریٔ آشیاں خراب بلبل بے وطن ہوں میں

خندہ زناں ہیں تجھ پہ گو یہ خردان روزگار

اہل خرد میں اے ہوسؔ رونق انجمن ہوں میں

rang-e-gul-e-shagufta hun ab-e-rukh chaman hun main

sham-e-haram charagh-e-dair qashqa barahman hun main

kasrat-e-jaur-e-yar se sab hain ye mere juzw-e-tan

soz-o-malal-o-yas-o-dard ranj-o-gham-o-mehan hun main

main hun nasim to bahar mein hun shamim-e-zulf-e-yar

go ke nazar se hun nihan dakhil-e-anjuman hun main

sarw nashin aur hain shakh nashin gul aur hain

qamari-e-ashiyan kharab bulbul-e-be watan hun main

khanda zanan hain tujh pe go ye khiradan rozgar

ahl-e-khirad mein ai hawas raunaq-e-anjuman hun main