روشن کیا جو حق نے چراغ انتقام کا

روشن کیا جو حق نے چراغ انتقام کا

دل صر صر فنا سے بجھا اہل شام کا

اندھیر کچھ گھٹا فلک نیلی فام کا

تلنے لگا سفید و سیہ صبح و شام کا

گل شمع فتح کا صفت غنچہ کھل گیا

مختار کو جہاد کا پرونہ مل گیا

ہمت پکاری ظالموں کے قلب چاک کر

بو جہل سیرتوں کو خراب و ہلاک کر

اصحاب بو تراب کا دل غم اسے پاک کر

احباب بو لہب کو جلا کر تو خاک کر

عنتر کے ہمسروں کا جدا تن سے فرق کر

مرحب کی قوم کوچۂ ہب ہب میں غرب کر

ہاں گلشن قصاص کو خنجر سے آب دے

ہاں تیر کی زباں سے عدو کو جواب دے

ہاں اتقیا کو مژدۂ اجرو ثواب دے

ہاں اشقیا کو وعدۂ قہر و جواب دے

سر سبز برق نیزہ سے تخم مراد کر

روشن نسیم تیغ سے شمع جہاد کر

ہمت کا درس تجھ کو سکندر سے چاہئے

جرأت کا اخذ مالک اشتر سے چاہئے

خدمت کا بادہ کاسۂ قنبر سے چاہئے

نقد خلوص کیسہ بوذر سے چاہئے

اسلام میں برابر سلماؓ ںمکیں ہو تو

اخلاص میں اویس قرن کے قریں ہو تو

یوں خضر حکم حق جو ہوا اس کا رہنما

لبیک کی سکندر طالع نے دی ندا

سکہ پڑا سفید و سیہ پر جدا جدا

چاندی دکھائی چاند نے خورشید نے طلا

بولا قرار کون و مکاں میں بھلا کرے

وہ کیجئے کہ کون و مکاں حق عطا کرے

اور چتر سر بنے پر وبال ہمائے فتح

کی زیب تن قضا و قدر نے قبائے فتح

روح القدس نے چہرے پہ دم کی دعائے فتح

شوکت نے غرب و شرق میں کھولا لوائے فتح

یاں تک دراز آرزوئے جنگ ہوگئی

تن پر قبائے ہفت فلک تنگ ہوگئی

دکھلایا آفتاب نے آئینہ با ادب

چار آئینہ بھی اپنا جری نے کیا طلب

دکھلا کے چار چار پہر اپنے روز و شب

بولا یہ پیش کش ہو ہماری قبول اب

اک دن کا چار آئینہ ہے ایک رات کا

حافظ خدا ہے آٹھ پہر تیری ذات کا

آہن کا خود مرتبہ پارس کا کیوں نہ پائے

یہ پیرو حسینؑ جسے اپنے سر چڑھائے

درجے سر بلند نے یہ خود کے بڑھائے

مضمون جس کے پیر فلک کے نہ ہاتھ آئے

نازاں ہوا یہ خود سر بے عدیل پر

پھینکی کلاہ فتح نے عرش جلیل پر

زیب کمر وہ تیغ ظفر کی پئے مصاف

جو سرکشان دہر کے سر پر تھی موشگاف

باندھی جری نے وہ سپر آسماں غلاف

سورج گہن میں آئے جو ہواس سے بر خلاف

ترکش میں چیدہ چیدہ خدنگ اس نے بھر لئے

عقرب پئے اقارب شمر و عمر لیے

وہ دونوں رخ تھے یا کہ پئے نذر شیر حق

شمس و قمر لیے تھے زر وسیم کے طبق

لب کہ وہ جن کے رنگ سے گل ہو عرق عرق

اور کلیات غنچہ پریشاں ورق ورق

کیا خط و عارض و لب و گیسو سے کام تھا

مختار چین و روم و سمرقند و شام تھا

اور نطق طوطی شکرستان ذکر حق

یا دفتر مناقب حیدرؑ کا اک ورق

تھی وہ زبان بلبل سدرہ سے ہم سبق

کہتا تھا اس زباں سے وہ صادق جو حرف حق

وصف علیؑ و آل نبیؐ برزبان ماست

گویا زباں برائے ہمیں دردہان ماست

ہمدست لاکھ رستم دستاں ہوں اس سے کب

ہاتھ اس کا تھا وہ ہاتھ کہ جس نے بحکم رب

کی بیعت امام زبردستوں سے طلب

جو دست بیع اس سے ہوا درجے پائے سب

چوما قدم تو خلد کے آٹھوں چمن ملے

پہنچا جو ہاتھ پنجے تلک پنچتن ملے

وہ دونوں ہاتھ تھے الف انتقام کے

وہ دو الف شریک ازل سے امام کے

ہنگام جنگ تیغ و سپر تھام تھام کے

اعدا سے لیں قصاص شہ تشنہ کام کے

بے ان کے داد خواہ کبھی معترف نہ ہوں

انصاف نصف ہووے جو یہ دو الف نہ ہوں

رگ رگ میں ریشے ریشے میں تھا جوہر وفا

پیدا ہوا تو مادر مختار نے سنا

ہاتف نے دی ندا میں پسر پر ترے فدا

اک دن قصاص لے گا یہ بے کس حسینؑ کا

یہ شیفتہ ہے فاطمہؑ کے نور عین پر

واجب شفاعت اس کی ہے روح حسینؑ پر

حقا کہ جز فضائل مختار خوش خصال

گر ہے کوئی حدیث تقیے پہ ہے وہ دال

جب رن میں باغ فاطمہؑ ہوتا تھا پائمال

روکر حسینؑ کہتے تھے ا ئےرب ذوالجلال

باغی تباہ کرتے ہیں گلزار کو مرے

مختار کر قصاص کا مختار کو مرے

سجاد سے یہ چند حدیثوں میں ہے خبر

محسن ہے اہل بیت کامختار نامور

کیا ہم کو اختیار تھا جب مرگئے پدر

پوشاک ماتم اس نے بدلوائی سر بسر

لازم ہے دوستان حسینؑ شہید کو

تحسین اسے کیا کریں نفریں یزید کو

کونے میں جب کہ آئے تھے مسلم نکو سیر

بیعت سے ان کی پہلے ہوا تھا یہ بہرہ ور

ٹھہرا کے یہ قصور بس اس بے قصور پر

خواہان جان و مال تھا مرجانہ کا پسر

آہوئے کعبہ رن میں جب امت کا صید تھا

مختار قید خانے میں کونے کے قید تھا

واں رن میں سر حسینوں کے ہوتے تھے قلم

زنداں کے در پہ سر پہ پٹکتا تھا دم بدم

دیتا تھا کربلا کو ندا وہ اسیر غم

افسوس اے حسینؑ نہیں اپنے بس میں ہم

کھیتی لٹی بتولؑ کی دشت جہاد میں

سادات آئے مجلس ابن زیاد میں

ابن زیاد بولا کہ مختارؑ کو بلاؤ

سیدانیوں کے ہاتھ بندھے اس کو بھی دکھاؤ

لائے تو پوچھا بیوؤں کو کیادوں سزا بتاؤ

لو تم بڑے محب ہو انہیں قید سے چھڑاؤ

ہیں سر برہنہ فکر لباس و ردا کرو

مومن تو ہو حمایت آل عبا کرو

مشکیں بندھی تھیں رو کے دلاور نے یہ کہا

بدلا نہ اس کا لوں تو جبھی کہیو تو بھلا

کہتے ہیں اس گھڑی سے وہ رویا کیا سدا

زنداں سے بھی چھٹا تو اسیر الم رہا

ہر روزیہ دعا تھی کہ روز جہاد ہو

طالع خدا کے مہر سے صبح مراد ہو

مقبول کی خدا نے یہ دیندار کی دعا

یعنی یزید نحس نے کی شام میں قضا

عازم قصاص کا ہوا مختار باوفا

عابد کے آستانے پہ آیا پئے رضا

در پر سنا کہ بیبیوں میں شورو شین ہے

عاشور سے زیادہ عزائے حسینؑ ہے

زینبؑ کی آرہی ہے یہ آواز وا اخا

بانوؑ پکارتی ہے کہ اکبرؑ کدھر گیا

بیمار ایک لڑکی یہ کہتی ہے برملا

ہے ہے نہ میرے درد کی اب تک ملی دوا

بھولے بہن کو اکبرؑ عالی خصال بھی

بابا نہ کربلا سے پھرے اب کے سال بھی

القصہ سن کے آمد مختار کی خبر

در پر امام آئے حرم سب قریب در

مختار نے قدم پہ جھکایا ادب سے سر

دل میں جو آرزو تھی کہی ہاتھ باندھ کر

فرمایا مسکرا کے شہ بے نظیر نے

ہم کو خبر یہ دی ہے جناب امیرؑ نے

پھر پشت سے لباس مبارک اٹھا کے ہائے

مولا نے تازیانوں کے اس کو نشان دکھائے

زینبؑ پکاریں بھائی اگر شمر ہاتھ آئے

سر اس کا کاٹ لیجیو جیتا نہ جانے پائے

بولی سکینہؑ سب سے وہ ظالم زیاد ہے

اس کا طمانچہ آج تلک مجھ کو یاد ہے

اس نے کہا بفضل خدا ہوئے گا یونہیں

سنیو کہ غرق خوں ہوئی کوفے کی سب زمیں

سجاد سے ودا ع ہوا پھر وہ اہل دیں

آئی ندا بقیع سے مختار آفریں

اب تک وہی ہے جوش مرے شور و شین کا

ہاں انتقام لے مرے بے کس حسینؑ کا

عابدؑ نے اک غلام سے اپنے کیا خطاب

کہتے تھے اس کو فارس ہیجا ابوتراب

لے جا مرا فرس وہ دے آیا اسے شتاب

غازی چڑھا جو اس پہ ہوئی فتح ہم رکاب

بیمار کربلا کا وہ رخش صبیح تھا

صحت کے ساتھ چلنے میں نبض مسیح تھا

اس تیز رو کو کاہ سے تھی نفرت دلی

یعنی کہ لفظ کاہ میں ہے حرف کاہلی

گردش سے چرخ راہ کی جس دم عناں ہلی

حقا ہوائے خلد اسے کھانے کو ملی

پریاد ذوالجناح میں اندوہناک تھا

جیب ہلال نعل اسی غم سے چاک تھا

رفتار گرم سے دل سیماب پارہ تھا

ہر قطرۂ عرق سے یہ حسن آشکارا تھا

طوفان پر جہاز ہوا پر ستارہ تھا

بادل پہ برق آب رواں پر شرارہ تھا

آندھی کی طرح آتا تھا وہ رزمگاہ میں

لیکن چراغ نعل کے روشن تھے راہ میں

دل سے میان راہ پہ مختار نے کہا

لے نائب حسینؑ سے تو جنگ کی رضا

اب چل پئے زیارت مظلوم کربلا

تو گو کہ با وفا ہے پہ ہے عمر بے وفا

لازم زیارت پسر بوترابؑ ہے

ہر ہر قدم پہ عمرۂ و حج کا ثواب ہے

لکھتا ہے کربلا میں جو آیا وہ باوفا

پڑھنے لگا زیارت قبر شہ ہدا

بولا لپٹ کے قبر سے روحی لک الفدا

اے تشنۂ سقیفہ و صحرائے کربلا

اے فخر صد ذبیح و صد ایوب السلام

محبوب ذوالجلال کے محبوب السلام

کچھ اپنے سوگواروں کی تم کو خبر ہے آہ

زینب تری بہن کفنی پہنے ہے سیاہ

روتی ہے شام سے ترے حجرے پہ تاپگاہ

اوروں کا قبر فاطمہؑ پر حال ہے تباہ

ہمشکل مصطفی سے یہ کہہ دو مزار میں

صغراؑ کھڑی ہے در پہ ترے انتظار میں

تقدیر میں سکینہؑ نے ماتم جو پایا ہے

چھوٹا سا ایک تعزیہ خانہ بنایا ہے

عباسؑ کا علم سر منبر لگایا ہے

عابدؑ سے رو کے کہتی ہے غم دل پہ چھایا ہے

بھائی بہن حقوق شہ دیں ادا کریں

تم مرثیہ پدر کا پڑھو ہم بکا کریں

بہلانے اس کو آتی ہیں ہمجولیاں اگر

کہتی ہے اب نہ کھیلوں گی میں تم میں بیٹھ کر

تم سب ہو باپ والی میں دکھیا ہوں بے پدر

ماتم ہے کربلا کے شہیدوں کا میرے گھر

اماں ہماری بیوہ ہوئیں بابا مرگئے

رونے کے دن میں کھیلنے کے دن گزر گئے

سمجھانے کو سکینہؑ کے اب آپ جائیے

صغراؑ کو خواب میں رخ اکبرؑ دکھائے

کبراؑ ہے بے قرار گلے سے لگائیے

روتی ہے ماں کی قبر پہ زینبؑ اٹھائیے

عابدؑ کی لو خبر کہ بہت ناتوان ہے

بالائے پشت نیزوں کا اب تک نشان ہے

کانپا ہر ایک نام پہ شبیرؑ کا مزار

اس نے حضور قبر دھری تیغ آبدار

اور عرض کی کہ اے پسر شاہ ذوالفقار

بندھوائیں آپ تیغ تو ہوئے کشود کار

اذن جہاد مانگتا ہوں کس امید سے

اس لب سے حکم دو جو کھلا چوب بید سے

یہ کہتے کہتے ہو گیا بے ہوش وہ سعید

پر عین غش میں دیدۂ باطن کی تھی یہ دید

روضہ میں برج قبر سے نکلا ہلال عید

اور یا حسینؑ کہہ کے اٹھے قبروں سے شہید

ہاتھوں پہ سر کٹے شہدا تھے لیے ہوئے

زہراؑ جلو میں بال پریشاں کئے ہوئے

ہے پیش پیش فوج خدا حر نامور

باندھے ہوئے بتولؑ کا رومال حق پر

سردار کے قریب علمدار خوش سیر

اصغرؑ کی لاش گود میں شہ کی لہو میں تر

بولا کہ سہل عقدۂ دشوار ہیں مرے

اتنے خدا کے شیر مددگار ہیں مرے

مختار کو حسینؑ نے اس وقت دی ندا

نانا سلام کہتے ہیں اماں تجھے دعا

مظلوم کے قصاص کا خواہاں ہے مرحبا

دنیا میں فتح حشر میں فردوس دے خدا

تحقیق کرکے ناریوں کو نار دیجیو

حیدرؑ کے دوستوں کو نہ آزار دیجیو

پھر شاہ نے خطاب یہ عباسؑ سے کیا

ہاں میرے شیر تو اسے شمشیر کر عطا

سیف خدا نے تیغ اسے دے کے یہ کہا

سقائے فوج ہم ترے ہوں گے دم وغا

لے تیغ باندھ ہو تجھے ملک و عمل نصیب

قبضہ تجھے نصیب اور اعدا کو پھل نصیب

آنکھیں کھلیں کریموں کے لطف عمیم سے

کھلتے ہیں جیسے صبح کو غنچے نسیم سے

رخصت ہوا مزار امام کریم سے

گویا مقام طور کا چھوٹا کلیم سے

یوں تیز رو تھا منزل مقصد کی راہ میں

جس طرح ذوالفقار علیؑ حرب گاہ میں

کوفے میں پھر کے کوچہ بہ کوچہ یہ دی صدا

یاروں کوئی شہید ہے بے کس حسینؑ سا

جس کی نہ کچھ دیت نہ قصاص اور خوں بہا

اک تن سے خون پنجتن پاک کا بہا

ایسا بھی ملتوی کوئی دعویٰ رہا نہیں

سید کا خوں بہا ہے مگر خوں بہا نہیں

ابن ابو تراب کی الفت ہے تم کو خاک

خاک عزا سے گیسوئے زینب کئے نہ پاک

یثرب میں جا کے دیکھو لباس حرم ہے چاک

اور کربلا میں حوروں کی ہے آہ دردناک

فوج حسینؑ کا ہوا جنگل میں خاتمہ

زینبؑ وطن میں روتی ہے مقتل میں فاطمہؑ

سن آیا کربلا میں فرشتوں کی میں فغاں

ستر ہزار واں مع فطرس ہیں نوحہ خواں

دیکھ آیا غش میں فوج خدا کی شکوہ و شاں

رنگیں کفن گلوں میں جراحت سے خوں رواں

اذن جہاد مانگا جو رو کر غلام نے

عباسؑ نے تو سیف رضادی امام

ہاں طالبان خون حسینؑ آؤ جلد آؤ

مانند تیغ جوہر مردانگی دکھاؤ

حق تم کو آزماتا ہے تم دل کو آزماؤ

سردو تو کربلا کے شہیدوں کا رتبہ پاؤ

جس کا عقیدہ پاک ہے وہ کامیاب ہے

اب بھی وہی جہاد کا اجر و ثواب ہے

یہ خلہ ہے یہ میوہ یہ کوثر ہے یہ جناں

یہ حور یہ قصور یہ طوبیٰ یہ بوستاں

یہ جنس آبرو ہے یہ بیعانہ نقد جاں

یہ گویا رزمگاں یہ چوگاں یہ امتحاں

یہ سر ہے یہ بدن یہ کفن ہے یہ تیغ ہے

شیر خدا کے شیروں کو پھر کیا دریغ ہے

یہ سن کے تازہ دم ہوئے حیدرؑ کے د وست دار

مردے ہوں جیسے قم قم عیسی سے ہوشیار

کافور ہفت عضو پہ مل مل کے ایک بار

نکلے پہن پہن کے کفن بہر کارزار

کوچوں میں یہ ہجوم خلائق کا حال تھا

سائے کو ساتھ لے کے گزرنا محال تھا

بہر جہاد پیروں نے فورا کیا خضاب

اہل شباب سمجھے خزاں موسم شباب

کنگنا کسی نے کھول کے باندھی کمر شتاب

مشاطہ کو کسی نے دیا بیاہ کا جواب

کہتے تھے فکر عقد نہ خواہش دلہن کی ہے

شادی قصاص خون شہ بے وطن کی ہے

زہراؑ کی لونڈیوں کے عقیدوں کو دیکھنا

بچوں کو لا کے جھولے سےمردوں کو دے دیا

پوچھا جو وارثوں نے تو رو رو کے یہ کہا

دعویٰ انہیں بھی ہے علی اصغرؑ کے خون کا

ظلم و جفائے لشکر بے پیر یاد ہے

اصغرؑ کا حلق یاد ہے اور تیر یاد ہے

سب نقش دل سے حیدریوں نے مٹادیئے

بیٹوں کو اپنے خلعت عقبیٰ پنہا دیئے

نوشاہوں کو سلاح عروسوں نے لادیئے

اور مہر بخش کر یہ سخن بھی سنادیئے

ظلم عدو یہ لکھ لو دل پاش پاش پر

اک شب کی بیاہی روئی تھی دولہا کی لاش پر

فوجوں سے اس قدر ہوئی معمور حرب گہہ

باقی رہی علم کے کھڑے ہونے کی جگہ

ترتیب میمنہ ہوئی ترکیب میسرہ

قلب و جناح سے ہوئی آراستہ سپہ

کوفہ سلاح پوشوں سے آباد ہوگیا

تختہ زمیں کا بیضۂ فولاد ہوگیا

کیا دوستان شاہ نجف کی کروں ثنا

نازاں تھی جن کے حسن عقیدت پہ خود ولا

لشکر میں چار حافظ قرآں جدا جدا

پڑھتے تھے چار سمت فصاحت سے ہل اتیٰ

جبریل واں فلک پہ خضرؑ یاں زمین پر

دم کرتے ہیں دعائیں سبھوں کی جبین پر

ہاں مومنو یہ فوج ہی فوج امام ہے

مد نگہ نظارۂ ہر خاص و عام ہے

ہشیار جبرئیل کا یاں اہتمام ہے

جاسوس عقل و فکر و تصور کا کام ہے

یوں محو ہو کے سیر کرو ان کے اوج کی

آنکھوں میں مثل سرمہ پڑے گرد فوج کی

پیر و جواں کھڑے ہیں برابر چہل ہزار

تیر و کماں کی طرح مہیائے کارزار

کہتی ہے روح فاطمہؑ حسرت سے بار بار

ہے ہے نہ کربلا میں ہوئے یہ رفیق و یار

جب رن کے قصد تھا خلف بوتراب کو

جنت سے آ کے تھاما تھا میں نے رکاب کو

مختار کے غلام میں دو صاحب ہنر

اک فتح ایک خیر نہیں جن کے دل میں شر

جب ہو غلام فتح تو کیونکر نہ ہو ظفر

پیدا ہے فتح طالع مختار نامور

اک دیکھتا ہے ایک کے رخ کو سپاہ میں

مصحف کو ختم کرتے ہیں سب اک نگاہ میں

نازل یزیدیوں پہ جو حق کا غضب ہوا

اجماع دوستان امیر عرب ہوا

ماتم حسینوں کا عدالت طلب ہوا

مختار نامور کو یہ الہام رب ہوا

ہاں بند راہ فتنے کی تیغ رواں سے کر

ہاں فتح باب فتح کلید سناں سے کر

لہرا رہا ہے غازیوں کے سر پہ وہ علم

دامن پہ جس کے نام علیؑ ولی رقم

پھر یہ علم ہے دست علمدار میں علم

یا بہر استغاثہ اٹھا نالۂ حرم

پنجے سے اس کے چہرۂ خورشید زرد ہے

زنیت کا مد آہ ہے رتبے میں فرد ہے

چہرے پہ نوجوانوں کے پیدا خط شباب

اک نقطہ ان کے خال کا ہے حسن کی کتاب

دیکھیں جو آئینے میں خط رخ کی آب و تاب

جوہر خط شعاع ہو آئینہ آفتاب

رخ پر عرق کو دیکھ کے حیرت بڑی ہوئی

ہے دن کو آفتاب پہ شبنم پڑی ہوئی

رخ پر ہیں قطرہ ہائے عرق در آبدار

یا ایک برگ گل کے نگہبان ہیں ہزار

خورشید پر ستارے ہیں غلطیدہ بے شمار

یا ماہتاب کے ہیں جگر گوشے آشکار

جس دم ڈھلیں یہ عارض پر آب و تاب سے

سیارے ہوں فلک پہ ثوابت حجاب سے

آنکھوں سے آشکار ہےعلم و حیا تمام

خورشید و ماہ آنکھ چراتے ہیں صبح و شام

کیا میم مردمک کی ضیا میں کروں کلام

شمس و قمر کے دل میں ہے اس میم کا مقام

چشم سیہ کا وصف ہے باہر حساب سے

آنکھوں میں چھپتا پھرتا ہے سرمہ حجاب سے

پیشانیوں کا ان کی کہوں کیا جلال و جاہ

تاریک شب میں بھی اگر ان پر کو نگاہ

پڑھ لو نماز صبح فضیلت کے وقت واہ

خال جبیں سفیدے کی جا صبح کا گواہ

ابرو سے تیس شب ہے نظارہ ہلال کا

حد حساب ایک ہے یاں ماہ و سال کا

مکتوب حسن گردن انور بہ تاب و آب

اک مد ہلال اس کا ہے اک فرد آفتاب

گوہر طرف پڑا ہے شب زلف کا حجاب

لیکن عیاں ہے مطلع گردن کی آب و تاب

گردن کا نور گیسووں سے آشکار ہے

خورشید نکلا پردۂ شب تار تار ہے

رخ گلشن بہشت ہے غیرت دہ ارم

نہر اس میں شیر و شہد کی دندان و لب بہم

ہے خط رخ و ہ خوب کہ لکھیں ثنا جو ہم

اصلاح سے بری ہو یہ سب نظم یک قلم

کیونکر کوئی نوشتۂ حق کو غلط کہے

جس کو سواد خط نہ ہو وہ اس کو خط کہے

بینی کا کیا قلمر و رخ پر ہے عز و جاہ

زیر قلم ہے حسن کا کشورازل سے آہ

چہرے کو چاند کہتے ہیں سب صاحب نگاہ

بینی ہے بیچ میں کہ الف درمیان ماہ

بینی کے وصف لکھنے کی کیوں آرزو نہ ہو

بے اس الف کے لاکھ لکھو آبرو نہ ہو

وصف دہان تنگ میں عالم کشادہ لب

اک نقطے میں زمانے کا مضموں بھرا ہے سب

انگشت حیف ہے تہ دنداں کہ ہے غضب

وہ کربلا میں خشکی حلق شہ عرب

مرنے پہ منہ کھلا تھا شہ مشرقین کا

نیزے سے کٹ گیا لب بالا حسینؑ کا

دنداں ذرا بھی وقت تبسم جو ہوں عیاں

مثل صدف کہر سے ہو لبریز آسماں

شکر فروش مصر حلاوت ہر اک زباں

رنگینی کلام ہے شیرینیٔ بیاں

حیراں لبوں کے نور سے اہل کمال ہیں

یہ ہونٹ ہیں کہ زیر و زبر دو ہلال ہیں

موئے کمر کی یہ قد گلگوں میں ہے بہار

جس طرح لعل سے ہو رگ لعل آشکار

پٹکے سے اور بھی ہوا یہ نقطہ پیچیدار

معنی میں عقل و فہم الجھتے ہیں بار بار

سادہ ہی نقش رہنے دیا اس مراد کا

کھل جائے گا بندھا ہوا مضموں جہاد کا

قد راستی سے سایہ صفت پیرو امام

جاکر حریم باغ میں گر یہ کریں قیام

اپنا امام جان کے ہر قد کو لا کلام

سرو چمن نماز پڑھیں پشت پر تمام

ارزاں ملے تو مول یہ طوبیٰ کو لیتے ہیں

بیعانہ سدرہ کا الف قد سے دیتے ہیں

خوبی و فور نور بدن کی ہے یہ عیاں

کڑیاں زرہ کی ہیں رگ جاں کی طرح نہاں

جو شے نظر نہ آئے کروں اس کا کیا بیاں

سب کو گماں زرہ کا ہے لیکن زرہ کہاں

صاحب ہنر محب ہیں شہ ذوالفقار کے

پہنا ہے بر میں تیغوں کا جوہر اتار کے

ہیں خودوہ کہ جن سے بروج فلک ہیں کم

ہاتھوں میں یک قلم الف تیغ ہیں علم

خط شکست فرد سپر پر کریں رقم

دیکھو کمان و تیر بھی ہیں نون و القلم

نور سپر کے جلوے سے پر نور ہے زرہ

یہ طور ہیں تو سورۂ والطور ہے زرہ

حسن سلاح یہ ہے سنو زور کا بیاں

پائے شکوہ کوہ پہ رکھیں جو یہ جواں

سرمہ ہو کوہ چار طرف چشمے ہوں رواں

چاہیں زمیں بلند کریں مثل آسماں

جب کہہ کے یا جناب امیرؑ آئیں جوش پر

مثل سپر فلک کو بھی رکھیں یہ دوش پر

پنجے سے گر یہ کلۂ رستم کو دیں فشار

دنداں نکل پڑیں صفت دانۂ انار

مثل زرہ یہ جوہر فولاد لیں اتار

نعرہ کریں تو کوہ صدا دیں نہ ایک بار

جب یا حسینؑ کہہ کے یہ قبضے کو چوم لیں

یوسفؑ سے مصر لیں تو سکندر سے روم لیں

ہمت یہ ہے جو زرنہ ہو یہ سر عطا کریں

جرأ ت یہ ہے کہ لاکھوں سے تنہا دعا کریں

طلعت یہ ہے کہ ذرے کو شمس الضحیٰ کریں

قدرت یہ ہے کہ شمع سے شعلہ جدا کریں

دشمن اگر فلک پہ بھی وقت جدال جائے

تیغ ان کی آسمان پہ مثل ہلال جائے

ہو آگ سرد خوف سے یہ گرم ہوں اگر

لو ہا ہو موم سنگ ہو پانی دم نظر

آہستہ پنجہ رکھ دیں جو دشمن کے پنجے پر

در آئے صاف پنجے میں یوں پنجہ سر بسر

پھر سوزن خرد کو نہ یارا رفو کا ہو

دستانہ ان کے ہاتھ کا پنجہ عدو کا ہو

مرکب عراقی و عربی رشک حور طور

یکساں ہر ایک راہ ہے ان گھوڑوں کے حضور

دریا و کوہ پست و بلند و قریب و دور

چل پھر کا امتحاں جو کریں صاحب شعور

غصے سے یاں تلک یہ ضعیف و نزار ہوں

تاگے کی طرح سوئی کے ناکے سے پار ہو

بال ان کے شہپر ملک الموت موبمو

والجمع ان سے دوست پریشاں مگر عدو

ہوں قطرہ زن تو چرخ پہ کرلے ہما وضو

محراب نعل میں رہے سجدے کی آرزو

بے بال و پر مثال شرر اڑتے پھرتے ہیں

بن بن کے بجلیاں صف دشمن پہ گرتے ہیں

جلاد کربلا کے ہیں موجود اس طرف

خولی و شیث و ابن ربیعئ ناخلف

وہ یا یزید کہتے ہیں یہ یاشہ نجف

تیغیں اپی ہوئی نظر آتی ہیں صف بصف

کس پر جفا و ظلم کا واں خاتمہ نہیں

ہاں بہر ذبح اک پسر فاطمہؑ نہیں

گوپال آ ہنی لیے اک سمت بد گہر

بھالے سنبھالے دوش پہ اک طرف نیزہ ور

اک سولئے کمندوں کے حلقے زبوں سیر

تھے اپنے اپنے غول میں وہ غول سر بسر

گرز گراں تھے بعض گراں سر لئے ہوئے

بعضے شریر صارم وجمدھر لئے ہوئے

وہ رستمان حرب عرق و عرب کے بل

وہ ٹولیاں سواروں کی وہ پیدلوں کے دل

وہ ڈانڈ پر چمکتے ہوئے برچھیوں کے پھل

سریاں وہ گول گول وہ پیکان چو پہل

اڑنا وہ بیرقوں کا لچکنا نشانوں کا

بل کھانا رایتوں کا دمکنا سنانوں کا

تیشے لئے سواروں کے ہمراہ خیل تاش

ہوں جن کے دست جور سے کہسار پاش پاش

بد خواہ و بدمست و بد آئین و بد قماش

جمالوں کی وہ صوت حدی سامعہ خراش

محمل سے تھی کسے ہوئے آنچل ہوائے تند

ناقے تھے یا ہوئی تھی مشکل ہوائے تند

کوسوں تلک تھے دامن جنگل میں کینہ خواہ

کوتہ ہوئی تھی وسعت صحرا پئے سپاہ

بھیڑ اس قدر کہ پیک نظر کو ملے نہ راہ

فکر و قیاس وہم جہاں جا کے ہو تباہ

ہم راہ ان خبیثوں کا رہبر مگر ہوا

ناری دخان شعلہ بنے جب گزر ہوا

مختار نعرہ زن تھا سوئے لشکر گراں

ہاں بہر حرب و ضرب بڑھو کھول کر نشاں

نکلا ادھر سے مرۂ ظالم لئے سناں

یہ وہ تھا جس نے مارا تھا اکبرؑ کو نوجواں

یاں سے یتیم مالک اشتر رواں ہوا

گویا کہ حلق کفر پہ خنجر رواں ہوا

حشمت ابد ابد تھی تو رونق ازل ازل

ہستی پکارنے لگی ہر سو اجل اجل

قالب کا روح کو تھا اشارہ نکل نکل

بولی زمین گاوز میں سے سنبھل سنبھل

ہاں رن میں آمد آمد مرد دلیر ہے

یہ شیر کردگار کے شیروں کا شیر ہے

مرہ نے وہ رجز پڑھا جس سے ہوئے وہ غش

بولا شقی میں قاتل اکبرؑ ہوں شیروش

یہ بولے ہم ہیں فدیۂ سادات فاقہ کش

جن کے عزیز رن میں موئے کہہ کے الطعش

ازدر لقب دیا ہے مجھے کرد گار نے

بخشی ہے تیغ فتح شہ ذولفقار نے

ازرق یزیدی فوج میں تھا فخر رو و شام

نام آوروں کی تیغوں پہ کندہ تھاجس کا نام

رہتا تھا محو ضرب شجاعوں سے صبح و شام

اور نام ان کے لکھے تھے اک فرد پر تمام

باندھا تھا شانے پر وہ نوشتہ غرور سے

کم جانتا تھا زور سلیماں کو زور سے

اک دفعہ خود روم کیا اس نے زیب سر

اور زیب جسم کی زرۂ مصر سر بسر

چار آئینہ حلب کا سنوارا ادھر ادھر

لٹکا لیا کمان کیانی کو دوش پر

مکے کی ڈھال رخ پہ امید نجات میں

ایک تیغ ہند زیر رکاب ایک ہاتھ میں

جنبش میں آیا کوہ کی صورت میں وہ شریر

گردش میں لایا نیزے کو مانند چرخ پیر

رہوار مغربی پہ چڑھا بہردار و گیر

زریں کمر غلام لیے سب کمان و تیر

حیران اس کی دید سے ہر ایک جواں ہوا

لشکر سے یا معاویہ کہہ کر رواں ہوا

جاکر حضور ابن حسنؑ اس نے دی ندا

ازرق مرا خطاب ہے مشہور جا بجا

اے طفل جنگجو ترا نام و نسب ہے کیا

فرمایا نام قابض ارواح ہے مرا

ہنگامۂ حیات کو اب فوت جانیو

اپنے لیے مجھے ملک الموت جانیو

یہ کہہ کے اس لئیم ازل پر کیا جووار

ابرو کی ب کو دو کیا دال دہن کو چار

اللہ رے آتش دم شمشیر شعلہ بار

ارزق کی تیغ پر جو پڑا عکس ایک بار

مثل سپند جوہر شمشیر اڑ گئے

رن کی زمیں سے اختر سیار مڑ گئے

کیا کاٹنے میں آب دم تیغ تیز تھا

تیزاب سے بھی تیز بوقت ستیز تھا

رہوار بے حواس دم جست و خیز تھا

پر لنگ انکے ہاتھ سے پائے گریز تھا

پٹکا پکڑ کے لے گئے یوں اس کو زین سے

وہ زین سے جدا ہوا مرکب زمین سے

ہم میں بھی ہیں انہیں کے کرم سے یہ سب ہنر

سن ہو گیا یہ سنتے ہی سر ہنگ خیرہ سر

جینے سے ہاتھ اٹھا کے لگائی سناں مگر

غازی نے دار خالی دیا رخش پھیر کر

پھر نیزہ کاٹا تیغ سے یوں ایک ضرب میں

اک نصف شرق میں گرا اک نصف غرب میں

نیزے کے بدلے نیزہ لگا یا جو دوڑ کر

شمع سناں کا ہو گیا فانوس اس کا سر

پر وانہ وار چلنے لگے مرغ جاں کے پر

بولے گرا کے آب دہن اس کی ریش پر

دوزخ میں جا یزید کی خدمت کے واسطے

دنیا میں تیرا نام ہے لعنت کے واسطے

تنہا ادھر تھے آپ ہزاروں شقی ادھر

اس پر نہ تھا ہر اس زہے دل خوشا جگر

چلتی تھیں برچھیاں کبھی تیغیں کبھی تبر

سب کو جواب دیتی تھی اک تیغ شعلہ ور

پھرتی تھی جب کہ ضرب عدد روک روک کر

دو کرتی تھی ہر ایک کو پھر ٹوک ٹوک کر

پر جس شقی پر عکس حسام ظفر گرا

دو ٹکرے ہو کے نصف ادھر نصف ادھر گرا

سائے کی طرح پاؤں پہ سردوڑ کر گرا

غل تھا زمیں پہ کفر و ضلالت کا در گرا

جب وقت ضرب ہاتھ میں شمشیر پھر گئی

مالک کی سب کی آنکھوں میں تصویر پھر گئی

تن سے علیحدہ ہوئیں تیغیں مع کمر

قرص سپر کے ساتھ اڑے تیز تیز پر

بکتر زرہ کے ساتھ کٹے ہو کے خوں میں تر

چلوں کے ساتھ ہاتھ تو تھے سر کے ساتھ سر

رایت سناں کے ساتھ جھکے کانپتے ہوئے

پرچم گرے پھر ہروں سے منہ ڈھانپتے ہوئے

اک منہ کے دو منہ آئے نظر وہ صفائے تیغ

نابیں تھیں یادو ابروئے جنگ آزمائے تیغ

جوہر تھی یا کہ خندۂ دنداں نمائے تیغ

وہ چم وہ خم وہ باڑھ وہ بانکی ادائے تیغ

زخموں کے گل کھلے جو وہ گلگوں قبا چلی

دل پس گئے جدھر کو وہ نازک ادا چلی

پڑھتی ہوئی زبان سے ناد علی پھری

تعزیر اہل شام کو دی جان لی پھری

سینوں میں اور دلوں میں خفی اور جلی پھری

کس کس ادا و ناز سے اٹھی چلی پھری

دامان دشت خون سے گل رنگ ہوگیا

بھاگاجو اسپ کوئی تو چورنگ ہوگیا

وہ دم کس اس کا اور وہ چم خم و آب و تاب

آفت کی باڑھ قہر کا کاٹ اور غضب کی آب

جس ناب سے کہ زہرۂ رستم ہو خون ناب

دریائے تیغ ہر پل محشر کا تھا جواب

دریا چڑھا وہ خوں کا کہ پیراک ڈر گئے

نالوں کے پل پہ سر بدنوں سے اتر گئے

بسمل پڑے تھے دن میں کہیں کہہ کہیں پہ مہ

نیزوں کے بند قرص سپر حلقۂ زرہ

کھولی اجل نے ناخن تدبیر سے گرہ

استادہ خاک پر کہیں سیسر کہیں پہ زہ

جمدھر کہیں عمود کہیں برچھیاں کہیں

ترکش کہیں خدنگ کہیں اور کماں کہیں

شپیرؑ کے غلاموں سے کہتے تھے اشقیا

تم کیا ہو ہم پہ ورنہ ہوئے شاہ دوسرا

ہم نے قلم کیا سر فرزند مرتضیٰ

ہم نے رسولؐ زادیوں کی چھین لی قبا

زندہ خدا کرے اگر ابن بتولؑ کو

پھر کاٹیں بوسہ گاہ جناب رسولؐ کو

اصغرؑ جو زندہ ہو تو ابھی تیر پھر لگائیں

زخمی کریں جگر کو جو اکبرؑ کا سینہ پائیں

شانے امام حسینؑ کے بازو کے کاٹ لائیں

مقدور ہو تو بلوے میں سادات کو پھرائیں

منظور قتل عام کی اب سیر ہے تمہیں

شر ہم سے کرنے آئے ہو کچھ خیر ہے تمہیں

دیتے تھے یہ جواب غلامان مرتضی

ہاں یہ غرور ہے تمہیں اے لعنت خدا

واں رحم تھا کرم تھا مروت تھی صبر تھا

جتنا خدا کا حکم تھا اتنا ہر اک لڑا

چمکی تھی تیغ جب کہ شہ کم سپاہ کی

کس نے دہائی دی تھی رسالت پناہ کی

خیر ان کی ان کے ساتھ شجاعت تھی یا کرم

اب آج اس طرح سے لڑو تم تو جانیں ہم

لیکن حلال خون عدوئے امام ہے

تم کو بھی ماریں بچوں کے سر بھی کریں قلم

کھانا ہمیں حرام ہے پینا حرام ہے

لیکن حلال خون عدوئے امام ہے

اک دن میں دیکھ لیجیو کس کس کا خون بہا

کس کس کی عورتیں پھریں کوچوں میں بے ردا

سب کچھ یہ ہم کریں گے مگر وا مصبتا

دل سے مٹے گا داغ نہ زینب کی قید کا

کونین ہوں جو قتل تو راضی خدا نہ ہو

یعنی حسینؑ فاطمہؑ کا خوں بہانہ ہو

جب خون ناحق شہدا جوش زن ہوا

اور انتقام کا ترو تازہ چمن ہوا

مختار مورد مدد پنچتن ہوا

محو قصاص قتل شہ بے کفن ہوا

کوفہ سلاح پوشوں سے آباد ہوگیا

تختہ زمیں کا بیضۂ فولاد ہوگیا

آیا ادھر سے جب ورقہ جنگ کو ادھر

قبضے میں تیغ سطر تھی اور نقصے کی سپر

اس نامور نے تیغ کے ڈورے سے سربسر

مسطرپئے رقم کیا ورقہ کے جسم پر

تنخواہ زخم دے کے دل افسردہ کردیا

ورقہؔ کا چہرہ فرد برآوردہ کردیا

بولی اجل کے ٹکڑے برابر ہوئے ہیں چار

پر بے دلیل عقل کو آیا نہ اعتبار

رگ رگ کو عضو عضو کو اس نے کیا شمار

گن ڈالے موئے کاسۂ سر بھی سب ایک بار

کیا ہاتھ تھا تلا ہوا اس خوش خصال کا

ٹکڑوں میں سر کے فرق نہ تھا ایک بال کا

اسحاقؔ نام آ کے ہوا پھر تو رزم خواہ

درہ اسی نے مارا تھا بنت علیؑ کو آہ

تیغ سفید دوش پہ رکھے تھا روسیاہ

غازی نے ہاتھ زیر بغل سے بڑھا کے واہ

یوں نوک تیغ کھینچی کہ غش وہ بھی کر گیا

قبضہ تو ہاتھ میں رہا اور پھل اتر گیا

تو طرفہ بے خودی کہ نہ ان پہ ہوا گماں

سمجھا کسی نے پشت پہ کی دزدیٔ نہاں

دیکھا قفا کو تیغ کا پھل تھا وہاں کہاں

پر تیغ ابن مالک اشتر پڑی یہاں

رخ تو ادھر تھا فرق جسد پر ادھر نہ تھا

واں دیکھا پھل نہ تھا جو مڑایاں تو سر نہ تھا

آکر دغا طلب ہوا پھر خازن عمر

نام اس کا در ہمی تھا سیہ قلب بدسیر

شکل فلوس تن پہ زرہ آتی تھی نظر

تیغ ان کی مثل سکہ ہوئی اس پہ کار گر

یوں تیغ خوردہ ہو کے زمیں کے تلے گیا

گویا چرا کے دزد اجل اس کو لے گیا

لکھا ہے تہ نشیں ہوا افسل مثال دُرد

مردہ نہ پایا ڈھونڈ پھرے گو بزرگ و خرد

تحت الثریٰ کو قہر خدا نے کیا سپرد

تھا درہمی زمیں نے کیا اس کو خورد برد

قارون کے خزانہ میں وہ تیرہ دل گیا

یہ درہمی بھی درہموں میں جاکے مل گیا

آئی ندا علیؑ کی کہ شاباش میرے شیر

مختار بولا ایدک اللہ اے دلیر

اب ہم لڑیں گے دم لو وغا کو ہوئی ہے دیر

تم سیر ہوگے خون سے ان کے نہ بندہ سیر

ہاں بڑھ کے کیا ہٹو کہ علیؑ کے غلام ہو

سقے کو بھیج دوں تم اگر تشنہ کام ہو

بولا وہ مڑ کے پیاس تو ہے پر نہیں ہراس

سقہ کھڑا ہوا ہے سکینہؑ کا میرے پاس

کہتے ہیں پانی پی لے جو تجھ کو لگی ہے پیاس

آقا کو میرا دھیان ہے آقا کو میرا پاس

پانی کا نام زہر سے اس دم زیاد ہے

وہ کربلا کا پیاسا بھی کچھ تم کو یاد ہے

ناگاہ اس طرف سے کماندار اک بڑھا

استاد اپنی فی میں تھا وہ بانی جفا

سوفار لب کو وا کئے دیتے تھے بددعا

چلہ کماں نے باندھا تھا جلد اس کو ہو قضا

بھاگا لگا کے تیر وہ تیر رواں کی شکل

غازی نے بڑھ کے کھینچا گریباں کماں کی شکل

تیغ اس نے کی حوالۂ رو جلد کھینچ کر

وہ آنکھ پر پڑی پہ ہوئی کچھ نہ کار گر

ابرو کی تیغ چشم کو جیسے نہ دے نظر

غازی نے زہ کماں کو کیا اور کہا ٹھہر

اک جنبش مژہ میں اسے کور کردیا

پلکوں کی طرح تیروں سے آنکھوں کو بھردیا

جب ایک ایک ورنہ ہوا بانی جفا

باہم دہل بجاتے بڑھے سارے اشقیا

طبل خروج یاں بھی بجا پھر تو جا بجا

لشکر سے لشکر آ کے غرض راہ میں ملا

ناحق گروہ ظلم جو شیعوں سے لڑتا تھا

خون گلو انہیں کا گریباں پکڑتا تھا

میداں میں فوج لڑتی تھی باہم ادھر ادھر

افسر تھا ان کا روکش مختار نامور

دونوں کا یوں مقابلہ جس طرح خیر و شر

گہہ دور گاہ پاس گہے وقفۂ ہنر

مل کر کبھی سپر سے سپر منہ کی کھا گئی

لڑ کر کبھی سناں سے سناں لڑکھڑا گئی

آیا نہ اس کی فوج سے کوئی پئے مدد

اک دو کے بیچ میں نہیں جیسے کوئی عدد

مہر سپر کی تیغ نے مانی نہ کچھ سند

جس طرح خار سے سپر آبلہ ہو رد

بل رشتۂ کمر کی گرہ سے نکل گیا

چھن چھن کے دل کا درد زرہ سے نکل گیا

شرما کے وہ تو بھاگ گیا صورت شرر

مختار سوئے فوج پھرا سینہ تان کر

انگشتری کی طرح سے سرہائے اہل شر

نیزے کی پور پور میں آنے لگے نظر

ہر چشم میں سناں پہ چبھوتا تھا خشم میں

پتلی نہ مثل دیدۂ سوزن تھی چشم میں

کھینچا بغل میں تنگ زرہ پوش کو اگر

کڑیاں رگوں کی طرح چبھیں تن میں سر بسر

اور سر میں ضرب مشت لگائی جو دوڑ کر

نکلا مثال آبلہ تلوے سے خود سر

اک دم میں خون فوج کے دریارواں ہوئے

کیا یسفک الدما کے معنی عیاں ہوئے

شامی کو زور حشر کا نقشہ دکھادیا

رومی کے دل سے رتبۂ قیصر بھلا دیا

مصری کو زہر خنجر ہندی پلا دیا

کوفی کو کاف مرگ کا مرکز بنادیا

اہل حلب تھے شیشہ صفت چور تیغ سے

زنگی کو مثل زنگ کیا دور تیغ سے

غازی تھے محو رزم لیے تیغ اور سپر

پیدا ہلال فتح بھی تھا اور شب ظفر

کٹ کر نشان ان کے گرے تھے ادھر ادھر

انبار نیزہ و سپر و تیغ و خود وسر

تھا شور الحذر فلک بے دریغ سے

دل چاک تھا زمیں چکا چاک تیغ سے

مختار کہتا تھا کہ بروح ابوتراب

ڈوبے گی جب تلک نہ لہو سے مری رکاب

میں خانماں کروں گا ستمگاروں کا خراب

کی شیعۂ علیؑ کی دعا حق نے مستجاب

خون آ کے اس کے پاؤں پڑا قتل گاہ میں

یعنی کہ بس کوئی نہیں باقی سپاہ میں

مختار نامور نے کیا سجدۂ خدا

قاتل جو کچھ رہے تھے اسیران کو کرلیا

شمر وسناں تھے حرملا تھا ابن سعد تھا

کی بزم عیش صبح کو ایوان میں بپا

جلوہ زیادہ ہوگیا بزم مراد کا

دو عیشیں تھیں کہ آیا سر ابن زیاد کا

سب قاتلوں کو بزم میں بلوا کے یہ کہا

کیوں آہ فاطمہؑ کا اثر آج تو کھلا

پھر حرملہ کو تو دہ کیا تیر عدل کا

اہل خطا پہ چلنے لگے تیر بے خطا

تلوار سے پیام اجل برملا دیا

پھر بورئیے میں رکھ کے بدن کو جلا دیا

ناری ہوا جو خاک تو دی عدل نے ندا

بس آج سرمہ دیدۂ انصاف کو ملا

پر خاک ہونے پر بھی صدا تھی جلا جلا

اور سر کیا عمر کابھی دیداروں نے جدا

دوڑا کے گھوڑے لاش پہ سب حرف زن ہوئے

پامال اس کے حکم سے ستردو تن ہوئے

تھرایا شمر دیکھ کے یہ حالت عمر

سب نے گرایا پشت بخاک اس کو کھینچ کر

اک سنگ لا کے چھوڑ دیا اس کے سینے پر

رویا شقی تو بولا یہ مختار خوش سیر

خاموش استغاثہ نہ اے بدنہاد کر

وہ بیٹھنا حسینؑ کے سینے پہ یاد کر

زینبؑ خداکے واسطے دیتی رہی اور آہ

بیٹھا رہا تو سینے پہ سید کے بے گناہ

بنت سکینہؑ کرتی رہی وا محمداہؐ

کاٹا کیا تو چین سے احمدؐ کی بوسہ گاہ

انجام ہے یہ خون شہ بے گناہ کا

دیکھا اثر جناب رسالتؐ کی آہ کا

یہ کہہ کے سر اتار لیا تن سے ایک بار

پھر تو سناں پہ چلنے لگے برچھیوں کے وار

غل تھا یہ ہے وہ دشمن مولائے بے دیار

بالشت بھر جگہ سے ہوا جس کا نیزہ پار

شہ رگ جو کاٹی تیغ سے اس روسیاہ کی

مردود نے تو آہ کی ہاتف نے واہ کی

ہنگامۂ قصاص تھا برپا کہ ناگہاں

مسلم کے اک یتیم کا قاتل ہوا عیاں

تھامے ہوئے تھا مرکب زخمی کی وہ عناں

آنسو تھے دونوں آنکھوں سے اس گھوڑے کے رواں

راکب کی یاد دیکھ کے مرکب کو آگئی

وہ آہ سب نے کی کہ زمیں تھر تھرا گئی

ناگاہ ایک بچہ وہاں آیا رشک ماہ

منہ بھولا بھولا رخ پہ سیادت کا عزو جاہ

پر ٹوپی اس کے سر پہ نہ کرتا گلے میں آہ

گیسو پہ خاک ڈالے ہوئے مثل داد خواہ

فاقے سے تھا یہ حال کہ جان اس کی جاتی تھی

آواز استخواں سے لرزنے کی آتی تھی

قاتل کے گرد جمع تھے مومن ادھر ادھر

مختار تک نہ جا سکا وہ غیرت قمر

فاقے سے گر کے رونے لگا در پہ بیٹھ کر

مختار بولا کون یہ ہے لاؤ تو خبر

سب نے کہا غریب سا اک لڑکا روتا ہے

جرأت نے دی ندا کہ یہ مسلم کا پوتا ہے

محفل میں اس کو لا کے مخاطب ہوئے بشر

سید تمہارا نام کہا اس نے بے پدر

بے کس یتیم مسلم بیکس کا ہوں پسر

مختار بولا سیدنا آئے تم کدھر

رو کر کہا کہ وقت میں یاں تک خلل پڑا

فاقوں کے مارے بھائی میں گھر سے نکل پڑا

محفل میں سب نے نوحہ کیا وا محمدؐاہ

یہ حال مصطفےٰ کے یگانوں کا آہ آہ

مختار نے پنہایا اسے کرتا اور کلاہ

وہ بولا میری ماں بھی ہے عریاں خدا گواہ

مختار نے دراہم و خلعت منگادیئے

سید نے چھوٹے ہاتھ دعا کو اٹھا دیئے

مختار نے کہا کہ طلب کچھ تو اور کر

بولا دکھا کے باپ کے قاتل کو وہ پسر

بس یہ ہے آرزو کہ ہمیں کاٹیں اس کا سر

اک نیمچہ منگا کے دیا اس نے جلد تر

فاقوں سے گونقیہ بہت وہ یتیم تھا

پر نیمچہ جو مارا تو قاتل دو نیم تھا

پھر نیزوں پر علم کئے مختار نے وہ سر

اور کشتیوں میں اس نے دھرا رخت و مال و زر

بولا یہ دوستان علیؑ سے وہ خوش سیر

لے جاؤ ہے یہ ہدیۂ سجاد نامور

کہنا کوئی حسینؑ کا قاتل رہا نہیں

پر بے حسینؑ جینے کا اپنے مزا نہیں

زینبؑ کو میری سمت سے یہ دیجیو پیام

اے سیدہ حسینؑ کا تو کب ہے انتقام

پر قاتلوں کو قتل کیا میں نے لاکلام

رخت سیہ اتار اب اے خواہر امام

آئی ندا وہ سوگ نہ حاشا اتارے گی

زینبؑ اتارے گی تو نہ زہراؑ اتارے گی

لے کر چلے یہ ہدیہ غلامان بوتراب

مثل نزول رحمت حق پہنچے واں شتاب

اس دم مگر ہوئے در عابد پہ بار یاب

جب چاشت کھا رہے تھے امام فلک جناب

بچوں پہ ہو نہ فاقہ یہ مطلب تمام تھا

ان کا تو ماحضر غم قتل امام تھا

فضہ کو مومنوں نے بلایا قریب در

وہ سر بھی کشتیاں بھی اسے سونپیں سربسر

مختار کا پیام کہا ہاتھ باندھ کر

فضہ وہ ہدیے لے گئی زینبؑ کو دی خبر

دن آج تو خدا نے دکھایا مراد کا

بی بی مبارک آیا سرابن زیاد کا

حجرے میں اپنے بھائی کے وہ کرتی تھی بکا

آہ و فغاں کے دھیان میں اس نے نہ کچھ سنا

بولی مبارکی کسے دیتی ہے کیا ہوا

اٹھ آیا کیا مزار سے دل بند مصطفیٰ

کیا جیتا قتل گاہ سے اکبرؑ پھرا مرا

کیا گھنٹیوں مدینے میں اصغرؑ پھرا مرا

وہ بولی قاتلوں کے سر آئے جدا جدا

زینبؑ پکاری آئے تو آنے دے مجھ کو کیا

ایسے شقی اگر ہوئے بے سرہزارہا

داغ حسینؑ مٹتا ہے دل سے کہیں بھلا

محشر تلک رہے گا یہ ناسور سینے میں

ہے ہے حسینؑ قبر میں زینبؑ مدینے میں

مرجانہ کے پسر کا جو عابدؑ نے دیکھا سر

بولے حرم سے قدرت حق پر کرو نظر

اک دن وہ تھا کہ کھاتا تھا کھانا یہ بد سیر

جب شمر لے گیا تھا سر شاہ بحر و بر

بارہ گلے بندھے ہوئے اک ریسمان سے

ہم تم کھڑے تھے چپکے اسیروں کی شان سے

اور ایک روز یہ ہے کہ ہم کھاتے ہیں غذا

سر اس کا میرے سامنے یہ ہے دھرا ہوا

سجدے کو گر پڑے حرم شیر کبریا

آئیں گھروں سے عورتیں سن کر یہ ماجرا

ہر سر کی سمت کو یہ حرم کا اشارا تھا

لوٹا تھا اس نے اس نے ہمیں نیزہ مارا تھا

دیکھا سکینہؑ نے جو سر شمر بد صفات

گرنے لگی وہ سہم کے صغراؑ کا تھامے ہاتھ

بولی بہن ڈرو نہ ہے ڈرنے کی کون بات

انگلی اٹھا کے آہ پکاری وہ نیک ذات

کیوں کر نہ میں ڈروں کہ بہت صدمے پائے ہیں

صغراؑ ہمیں اسی نے طمانچے لگائے ہیں

عابدؑ سے یہ کہا کہ ذرا مجھ کو دو یہ سر

لے جاؤں اس کو قبر رسالتؑ پناہ پر

اور قبر کو ہلاؤں کہ یا سید البشر

حاضر ہے شمر جس نے لیا ہے مرا گہر

پوچھو تو کیا جواب یہ دیتا ہے آپ کو

مارا ہے کس خطا پہ سکینہؑ کے باپ کو

ناگہ کیا امام نے ان کشتیوں کو وا

دیکھا سفید کپڑوں کو اور آگئی حیا

رو کر زنان ہاشمیہ سے یہ پھر کہا

سمجھاؤ تم پھوپھی کو کہ بس ہوچکی عزا

حجرے سے باہر آتی ہے نے پانی پیتی ہیں

اعجاز ہے حسینؑ کے غم کا کہ جیتی ہیں

کہنا مری طرف سے کہ اے صاحب عزا

شپیرؑ کی عزا کا تمہیں اجر دے خدا

یثرب میں اب تلک کوئی دولہا نہیں بنا

سرمہ زنان ہاشمیہ نے نہیں دیا

یہ تو وہ غم ہے حشر تلک خلق روئے گی

پر اب مدینے والوں کو تکلیف ہوئے گی

لائیں جو کشتیاں سوئے زینبؑ وہ نوحہ گر

دیکھا زمیں پہ بیٹھی ہے تنہا جھکائے سر

نام حسینؑ لکھتی ہیں انگلی سے خاک پر

لے کر بلائیں حرفوں کی ملتی ہیں چشم پر

سب گرد بیٹھیں رونے کو منہ ڈھانپ ڈھانپ کر

قبر رسولؑ رہ گئی بس کانپ کانپ کر

جب رو چکیں تو کشتیوں کو کھول کر کہا

یہ کپڑے سب ہیں ہدیۂ مختار باوفا

ہم صدقے سوگ اتارئیے اے بنت مرتضی

اب تک کسی نے ہم میں سے شانہ نہیں کیا

ہم کپڑے پہنیں آب بھی وعدہ جو لیجئے

دیں سرمہ ہم بھی آپ اگر سرمہ دیجئے

زینب پکاری آہ کہاں جاؤں اے خدا

لوگو مجھے نہ تنگ کرو بہر مصطفی

گھر چھوڑ دوں اگر مرے رونے پہ ہو خفا

جنگل میں جا کے بھائی کی خاطر کروں بکا

مرتے ہوئے بھی سوگ نہ ہرگز بڑھاؤں گی

فردوس میں یہی کفنی پہنے جاؤں گی

کیا اک فقط حسینؑ برادر کا سوگ ہے

اے صاحبو بتولؑ کے گھر بھر کا سوگ ہے

اکبر کا سوگ ہے علیؑ اصغرؑ کا سوگ ہے

کس کا اتاروں سوگ بہتر کا سوگ ہے

اک اک برس جو سوگ کی ان کے ہوس کروں

ماتم مسافروں کا بہتر برس کروں

شادی تمہیں جہاں میں برابر نصیب ہو

عقد پسر عروسیٔ دختر نصیب ہو

زینب کو ماتم علی اکبرؑ نصیب ہو

یہ بوریائے سوگ برادر نصیب ہو

مرتی ہوئی میں گنج شہیداں پہ جاؤں گی

جن کا ہے سوگ قبر پہ ان کی بڑھاؤں گی

اچھا میں سرمہ دیتی ہوں خاک شفا منگاؤ

لو سوگ میں بڑھاتی ہوں بھائی سے پوچھ آؤ

اچھا یہ کپڑے گنج شہیداں پہ لے کے جاؤ

مس کرکے خاک پاک سے زینبؑ کے پاس لاؤ

ہدئیے میں سوگواروں کے یہ پیرہن دیا

حضرت کی لاش کو نہ کسی نے کفن دیا

سر ڈھانپ لوں کہو علی اکبرؑ بھی آئیں گے

بدلوں میں کپڑے بھائی گلے سے لگائیں گے

عباسؑ قتل گاہ سے تشریف لائیں گے

پونچھوں میں آنسو منہ علی اصغرؑ دکھائیں گے

مانگو دعا بتولؑ کی جائی کے واسطے

مرجائے روتی روتی یہ بھائی کے واسطے

زندہ ہوں صاحبو میں تمہاری نگاہ میں

مردہ ہوں میں فراق شہ کم سپاہ میں

زینب کہاں ہے آل رسالت پناہ میں

وہ وقت عصر ذبح ہوئی قتل گاہ میں

زہراؑ کے رشتہ داروں کی تقدیر پھر گئی

سب کے گلے پہ شمر کی شمشیر پھر گئی

گر تم کو اپنے ساتھ رلاؤں گناہگار

رونے کو گھر تمہارے جو آؤں گناہگار

یا اپنے گھر کسی کو بلاؤں گناہگار

مہماں جو شادی بیاہ میں جاؤں گناہگار

شادی کی رسم اٹھ گئی اس خاندان سے

سب تھا حسین تک وہ سدھارے جہان سے

پھر ماں کی قبر پر گئی زینبؑ برہنہ پا

بولی پسر کو روتی ہو تنہا لحد میں کیا

بی بی ہمارے رونے سے اب خلق ہے خفا

دو پہلوئے شکستہ میں تھوڑی سی مجھ کو جا

اماں بلا لو قبر میں مجھ بے نصیب کو

ہم آپ مل کے روئیں حسینؑ غریب کو

raushan kiya jo haq ne charagh intiqam ka

dil sar sar fana se bujha ahl-e-sham ka

andher kuchh ghata falak nili fam ka

talne laga safed-o-siyah subh-o-sham ka

gul-e-shama fath ka sifat-e-ghuncha khul gaya

mukhtar ko jihad ka pirona mil gaya

himmat pukari zalimon ke qalb chak kar

bu jahl siraton ko kharab-o-halak kar

ashab-e-bu turab ka dil-e-gham use pak kar

ahbab bu lahab ko jala kar to khak kar

antar ke hamsaron ka juda tan se farq kar

marhab ki qaum kucha-e-hab hab mein gharb kar

han gulshan-e-qisas ko khanjar se ab de

han tir ki zaban se adu ko jawab de

han atqaya ko muzhda-e-ajro sawab de

han ushuqya ko waada-e-qahr-o-jawab de

sar sabz barq neza se tukhm-e-murad kar

raushan nasim-e-tegh se sham-e-jihad kar

himmat ka dars tujh ko sikandar se chahiye

jurat ka akhz malik-e-ashtar se chahiye

khidmat ka bada kasa-e-qambar se chahiye

naqd-e-khulus-e-kisa bozar se chahiye

islam mein barabar salma namken ho to

ikhlas mein awes qarn ke qarin ho to

yun khizr hukm-e-haq jo hua us ka rahnuma

labbaik ki sikandar tale ne di nida

sikka para safed-o-siyah par juda juda

chandi dikhai chand ne khurshid ne tila

bola qarar kaun-o-makan mein bhala kare

wo kijiye ke kaun-o-makan haq ata kare

aur chatar sar bane par wabal huma-e-fath

ki zeb tan qaza-o-qadar ne qaba-e-fath

ruh alqudus ne chehre pe dam ki dua-e-fath

shaukat ne gharb-o-sharq mein khola liwae fath

yan tak daraz arzu-e-jang hogai

tan par qaba-e-haft falak tang hogai

dikhlaya aftab ne aina ba adab

char aina bhi apna jari ne kiya talab

dikhla ke char char pahar apne roz-o-shab

bola ye pesh kash ho hamari qubul ab

ik din ka char aina hai ek rat ka

hafiz khuda hai ath pahar teri zat ka

ahan ka khud martaba paras ka kyun na pae

ye pairo hasin jise apne sar charhae

darje sar buland ne ye khud ke barhae

mazmun jis ke pir-e-falak ke na hath ae

nazan hua ye khud sar-e-be adil par

phenki kulah-e-fath ne arsh-e-jalil par

zeb-e-kamar wo tegh zafar ki piye masaf

jo sarkashan dahr ke sar par thi mushigaf

bandhi jari ne wo sipar-e-asman ghilaf

suraj gahan mein ae jo hous se bar khilaf

tarkash mein chida chida khadang us ne bhar liye

aqrab piye aqarib-e-shimr-o-umar liye

wo donon rukh the ya ke piye nazr-e-sher-e-haq

shams-o-qamar liye the zar wasim ke tabaq

lab ke wo jin ke rang se gul ho araq araq

aur kulliyat ghuncha pareshan waraq waraq

kya khat-o-ariz-o-lab-o-gesu se kam tha

mukhtar chain-o-rom-o-samarqand-o-sham tha

aur nutq-e-tuti shukrsitan zikr-e-haq

ya daftar manaqib haidar ka ik waraq

thi wo zaban-e-bulbul-e-sidra se ham sabaq

kahta tha is zaban se wo sadiq jo harf-e-haq

wasf-e-ali-o-al-e-nabi barzban masat

goya zaban barae hamen dardhan masat

hamdast lakh rustam-e-dastan hun us se kab

hath us ka tha wo hath ke jis ne bahkam rab

ki baiat-e-imam zabardaston se talab

jo dast-e-bai us se hua darje pae sab

chuma qadam to khuld ke athon chaman mile

pahuncha jo hath panje talak panchtan mile

wo donon hath the alif intiqam ke

wo do alif sharik-e-azal se imam ke

hangam-e-jang tegh-o-sipar tham tham ke

aada se len qisas shah-e-tishna kam ke

be un ke dad khwah kabhi motarif na hun

insaf nisf howe jo ye do alif na hun

rag rag mein reshe reshe mein tha jauhar-e-wafa

paida hua to madar-e-mukhtar ne suna

hataf ne di nida mein pisar par tire fida

ik din qisas lega ye be kis hasin ka

ye shefta hai fatima ke nur-e-ain par

wajib shafaat us ki hai ruh-e-hasin par

haqqa ke juz fazail-e-mukhtar khush khisal

gar hai koi hadis-e-taqayye pe hai wo dal

jab ran mein bagh fatima hota tha paimal

rokar hasin kahte the a erab zualjalal

baghi tabah karte hain gulzar ko mire

mukhtar kar qisas ka mukhtar ko mire

sajjad se ye chand hadison mein hai khabar

mohsin hai ahl-e-bit kamukhtar namwar

kya ham ko ikhtiyar tha jab margae pidar

poshak matam us ne badalwai sar basar

lazim hai dostan hasin shahid ko

tahsin use kya karen nafrin yazid ko

kone mein jab ke ae the muslim nako sair

baiat se un ki pahle hua tha ye bahra war

thahra ke ye qusur bas us be qusur par

khwahan jan-o-mal tha marjana ka pisar

ahu-e-kaaba ran mein jab ummat ka said tha

mukhtar qaid khane mein kone ke qaid tha

wan ran mein sar hasinon ke hote the qalam

zindan ke dar pe sar pe patakta tha dam badam

deta tha karbala ko nida wo asir-e-gham

afsos ai hasin nahin apne bas mein ham

kheti luti batul ki dasht-e-jihad mein

sadat ae majlis-e-ibn-e-ziyad mein

ibn-e-ziyad bola ke mukhtar ko bulao

sayyadaniyon ke hath bandhe us ko bhi dikhao

lae to puchha biyoun ko kayadun saza batao

lo tum bare muhib ho unhen qaid se chhurao

hain sar barahna fikr libas-o-rida karo

momin to ho himayat-e-al-e-aba karo

mushkin bandhi thin ro ke dilawar ne ye kaha

badla na us ka lun to jabhi kahiyo to bhala

kahte hain us ghari se wo roya kiya sada

zindan se bhi chhuta to asir-e-alam raha

har rozye dua thi ke roz-e-jihad ho

tale khuda ke mehr se subh-e-murad ho

maqbul ki khuda ne ye dindar ki dua

yaani yazid nahs ne ki sham mein qaza

azim qisas ka hua mukhtar bawafa

abid ke astane pe aya piye raza

dar par suna ke bebiyon mein shoro shain hai

ashur se ziyada aza-e-hasin hai

zinib ki arhi hai ye awaz wa akha

bano pukarti hai ke akbar kidhar gaya

bimar ek larki ye kahti hai barmala

hai hai na mere dard ki ab tak mili dawa

bhule bahan ko akbar-e-ali khisal bhi

baba na karbala se phire ab ke sal bhi

alqissa sun ke amad-e-mukhtar ki khabar

dar par imam ae haram sab qarib-e-dar

mukhtar ne qadam pe jhukaya adab se sar

dil mein jo arzu thi kahi hath bandh kar

farmaya muskura ke shah-e-be nazir ne

ham ko khabar ye di hai janab-e-amir ne

phir pusht se libas-e-mubarak utha ke hae

maula ne taziyanon ke us ko nishan dikhae

zinib pukaren bhai agar shimr hath ae

sar us ka kat lijiyo jita na jane pae

boli sakina sab se wo zalim ziyad hai

us ka tamancha aj talak mujh ko yad hai

us ne kaha bafzal khuda hue ga yunahin

suniyo ke gharq-e-khun hui kofe ki sab zamin

sajjad se wada a hua phir wo ahl den

ai nida baqe se mukhtar afrin

ab tak wahi hai josh mire shor-o-shain ka

han intiqam le mire be kis hasin ka

abid ne ik ghulam se apne kiya khitab

kahte the us ko faris-e-haija abuturab

le ja mira faras wo de aya use shitab

ghazi charha jo us pe hui fath ham rikab

bimar karbala ka wo rakhsh-e-sabih tha

sehhat ke sath chalne mein nabz-e-masih tha

is tez ro ko kah se thi nafrat dili

yaani ke lafz-e-kah mein hai harf kahili

gardish se charkh rah ki jis dam inan hili

haqqa hawa-e-khuld use khane ko mili

puryad zualjanah mein andohnak tha

jeb-e-hilal naal isi gham se chak tha

raftar garm se dil-e-simab para tha

har qatra-e-araq se ye husn ashkara tha

tufan par jahaz hawa par sitara tha

badal pe barq ab-e-rawan par sharara tha

andhi ki tarah ata tha wo razmgah mein

lekin charagh naal ke raushan the rah mein

dil se miyan-e-rah pe mukhtar ne kaha

le naib-e-hasin se to jang ki raza

ab chal piye ziyarat-e-mazlum karbala

tu go ke ba wafa hai pe hai umr be wafa

lazim ziyarat pisar botrab hai

har har qadam pe umra-e-o haj ka sawab hai

likhta hai karbala mein jo aya wo bawafa

parhne laga ziyarat qabr shah-e-hada

bola lipat ke qabr se ruhi luk alfida

ai tishna-e-saqefa-o-sahra-e-karbala

ai fakhr-e-sad zabih-o-sad ayyub alssalam

mahbub zualjalal ke mahbub alssalam

kuchh apne sogwaron ki tum ko khabar hai ah

zinib tiri bahan kafani pahne hai siyah

roti hai sham se tire hujre pe tapgah

auron ka qabr fatima par hal hai tabah

hamshakl mustafa se ye kah do mazar mein

saghra khari hai dar pe tire intizar mein

taqdir mein sakina ne matam jo paya hai

chhota sa ek taaziya khana banaya hai

abbas ka alam sar-e-mimbar lagaya hai

abid se ro ke kahti hai gham dil pe chhaya hai

bhai bahan huquq-e-shah den ada karen

tum marsiya pidar ka parho ham buka karen

bahlane us ko ati hain hamjuliyan agar

kahti hai ab na khelungi mein tum mein baith kar

tum sab ho bap wali mein dukhya hun be pidar

matam hai karbala ke shahidon ka mere ghar

aman hamari bewa huin baba margae

rone ke din mein khelne ke din guzar gae

samjhane ko sakina ke ab ap jaiye

saghra ko khwab mein rukh-e-akbar dikhae

kabra hai be qarar gale se lagaiye

roti hai man ki qabr pe zinib uthaiye

abid ki lau khabar ke bahut natawan hai

bala-e-pusht nezon ka ab tak nishan hai

kanpa har ek nam pe shabbir ka mazar

us ne huzur-e-qabr dhari tegh-e-abdar

aur arz ki ke ai pisar-e-shah-e-zualfaqar

bandhwaen ap tegh to hue kashud-e-kar

izn-e-jihad mangta hun kis umid se

us lab se hukm do jo khula chob-e-baid se

ye kahte kahte ho gaya be hosh wo said

par ain ghash mein dida-e-batin ki thi ye did

rauza mein burj qabr se nikla hilal-e-eid

aur ya hasin kah ke uthe qabron se shahid

hathon pe sar kate shuhada the liye hue

zahra jilau mein bal pareshan kiye hue

hai pesh pesh-e-fauj-e-khuda har namwar

bandhe hue batul ka rumal haq par

sardar ke qarib alamdar khush sair

asghar ki lash god mein shah ki lahu mein tar

bola ke sahl uqda-e-dushwar hain mire

itne khuda ke sher madadgar hain mire

mukhtar ko hasin ne is waqt di nida

nana salam kahte hain aman tujhe dua

mazlum ke qisas ka khwahan hai marhaba

duniya mein fath hashr mein firdaus de khuda

tahqiq karke nariyon ko nar-e-dijiyo

haidar ke doston ko na azar dijiyo

phir shah ne khitab ye abbas se kiya

han mere sher to use shamshir kar ata

saif-e-khuda ne tegh use de ke ye kaha

saqqa-e-fauj ham tire honge dam-e-wagha

le tegh bandh ho tujhe mulk-o-amal nasib

qabza tujhe nasib aur aada ko phal nasib

ankhen khulen kiraimon ke lutf-e-amim se

khulte hain jaise subh ko ghunche nasim se

rukhsat hua mazar-e-imam-e-karim se

goya maqam tur ka chhota kalim se

yun tez ro tha manzil-e-maqsad ki rah mein

jis tarah zualfaqar ali harb gah mein

kofe mein phir ke kucha ba kucha ye di sada

yaron koi shahid hai be kis hasin sa

jis ki na kuchh det na qisas aur khun baha

ik tan se khun-e-panjatan pak ka baha

aisa bhi multawi koi daawa raha nahin

sayyad ka khun baha hai magar khun baha nahin

ibn-e-abu turab ki ulfat hai tum ko khak

khak aza se gesu-e-zinib kiye na pak

yasrab mein ja ke dekho libas-e-haram hai chak

aur karbala mein huron ki hai ah dardnak

fauj-e-hasin ka hua jangal mein khatima

zinib watan mein roti hai maqtal mein fatima

sun aya karbala mein farishton ki main fughan

sattar hazar wan ma-e-fatras hain nauha khwan

dekh aya ghash mein fauj-e-khuda ki shikwa-o-shan

rangin kafan gulon mein jarahat se khun rawan

izn-e-jihad manga jo ro kar ghulam ne

abbas ne to saif razadi imam

han taliban-e-khun hasin ao jald ao

manind-e-tegh-e-jauhar mardanagi dikhao

haq tum ko azmata hai tum dil ko azmao

sardo to karbala ke shahidon ka rutba pao

jis ka aqida pak hai wo kamyab hai

ab bhi wahi jihad ka ajr-o-sawab hai

ye khalla hai ye mewa ye kausar hai ye janan

ye hur ye qusur ye tuba ye bostan

ye jins-e-abru hai ye baiana naqd-e-jan

ye goya razmgan ye chaugan ye imtihan

ye sar hai ye badan ye kafan hai ye tegh hai

sher-e-khuda ke sheron ko phir kya daregh hai

ye sun ke taza dam hue haidar ke d wasat dar

murde hun jaise qum qum-e-isa se hoshyar

kafur haft uzw pe mil mil ke ek bar

nikle pahan pahan ke kafan bahr-e-karzar

kuchon mein ye hujum-e-khalaiq ka hal tha

sae ko sath le ke guzarna muhal tha

bahr-e-jihad pairon ne fauran kiya khizab

ahl-e-shabab samjhe khizan mausam-e-shabab

kangna kisi ne khol ke bandhi kamar shitab

mashshata ko kisi ne diya biyah ka jawab

kahte the fikr-e-aqd na khwahish dulhan ki hai

shadi qisas khun-e-shah-e-be watan ki hai

zahra ki laundiyon ke aqidon ko dekhna

bachchon ko la ke jhule semardon ko de diya

puchha jo warison ne to ro ro ke ye kaha

daawa unhen bhi hai ali asghar ke khun ka

zulm-o-jafa-e-lashkar-e-be pir yad hai

asghar ka halq yad hai aur tir yad hai

sab naqsh-e-dil se haidariyon ne mitadiye

beton ko apne khilat uqba panha diye

naushahon ko silah uruson ne ladiye

aur mehr bakhsh kar ye sukhan bhi sunadiye

zulm adu ye likh lo dil pash pash par

ik shab ki biyahi roi thi dolaha ki lash par

faujon se is qadar hui maamur harb-e-gah

baqi rahi alam ke khare hone ki jagah

tartib maimana hui tarkib-e-mayasara

qalb-o-jinah se hui arasta sipah

kofa silah poshon se abad hogaya

takhta zamin ka baiza-e-faulad hogaya

kya dostan-e-shah-e-najaf ki karun sana

nazan thi jin ke husn-e-aqidat pe khud wala

lashkar mein char hafiz-e-quran juda juda

parhte the char samt fasahat se hal iti

jibril wan falak pe khizar yan zamin par

dam karte hain duaen sabhon ki jabin par

han momino ye fauj hi fauj-e-imam hai

mad-e-nigah nazara-e-har khas-o-am hai

hushyar jibrail ka yan ehtimam hai

jasus aql-o-fikr-o-tasawwur ka kam hai

yun mahw ho ke sair karo un ke auj ki

ankhon mein misl-e-surma pare gard fauj ki

pir-o-jawan khare hain barabar chahal hazar

tir-o-kaman ki tarah mahyae karzar

kahti hai ruh fatima hasrat se bar bar

hai hai na karbala mein hue ye rafiq-o-yar

jab ran ke qasd tha khalaf-e-botrab ko

jannat se a ke thama tha main ne rikab ko

mukhtar ke ghulam mein do sahab-e-hunar

ik fath ek khair nahin jin ke dil mein shar

jab ho ghulam fath to kyunkar na ho zafar

paida hai fath tale-e-mukhtar namwar

ik dekhta hai ek ke rukh ko sipah mein

mushaf ko khatm karte hain sab ik nigah mein

nazil yazidiyon pe jo haq ka ghazab hua

ijma dostan-e-amir-e-arab hua

matam hasinon ka adalat talab hua

mukhtar namwar ko ye ilham-e-rab hua

han band-e-rah fitne ki tegh-e-rawan se kar

han fath-e-bab-e-fath kilid-e-sinan se kar

lahra raha hai ghaziyon ke sar pe wo alam

daman pe jis ke nam-e-ali wali raqam

phir ye alam hai dast-e-alamdar mein alam

ya bahr-e-istighasa utha nala-e-haram

panje se us ke chehra-e-khurshid zard hai

zanet ka mad ah hai rutbe mein fard hai

chehre pe naujawanon ke paida khat-e-shabab

ik nuqta un ke khal ka hai husn ki kitab

dekhen jo aine mein khat-e-rukh ki ab-o-tab

jauhar khat-e-shua ho aina aftab

rukh par araq ko dekh ke hairat bari hui

hai din ko aftab pe shabnam pari hui

rukh par hain qatra ha-e-araq dar-e-abdar

ya ek barg-e-gul ke nigahban hain hazar

khurshid par sitare hain ghalatida be shumar

ya mahtab ke hain jigar goshe ashkar

jis dam dhalen ye ariz par ab-o-tab se

sayyare hun falak pe sawabit hijab se

ankhon se ashkar haiilm-o-haya tamam

khurshid-o-mah ankh churate hain subh-o-sham

kya mem mardumak ki ziya mein karun kalam

shams-o-qamar ke dil mein hai is mem ka maqam

chashm-e-siyah ka wasf hai bahar hisab se

ankhon mein chhupta phirta hai surma hijab se

peshaniyon ka un ki kahun kya jalal-o-jah

tarik shab mein bhi agar un par ko nigah

parh lo namaz-e-subh fazilat ke waqt wah

khal-e-jabin safaide ki ja subh ka gawah

abru se tis shab hai nazara hilal ka

had-e-hisab ek hai yan mah-o-sal ka

maktub-e-husn-e-gardan-e-anwar ba tab-o-ab

ik mad hilal us ka hai ik fard-e-aftab

gauhar taraf para hai shab-e-zulf ka hijab

lekin ayan hai matla-e-gardan ki ab-o-tab

gardan ka nur gaiswun se ashkar hai

khurshid nikla parda-e-shab tar tar hai

rukh gulshan-e-bahisht hai ghairat da-e-iram

nahr is mein sher-o-shahd ki dandan-o-lab baham

hai khat-e-rukh-o-h khub ke likhen sana jo ham

islah se buri ho ye sab nazm-e-yak qalam

kyunkar koi nawashta-e-haq ko ghalat kahe

jis ko sawad-e-khat na ho wo us ko khat kahe

bini ka kya qulmar-o-rukh par hai izz-o-jah

zer-e-qalam hai husn ka kishwarazal se ah

chehre ko chand kahte hain sab sahab-e-nigah

bini hai bich mein ke alif darmiyan-e-mah

bini ke wasf likhne ki kyun arzu na ho

be is alif ke lakh likho abru na ho

wasf-e-dahan-e-tang mein alam kushada lab

ik nuqte mein zamane ka mazmun bhara hai sab

angusht haif hai tah-e-dandan ke hai ghazab

wo karbala mein khushki halq shah-e-arab

marne pe munh khula tha shah-e-mashriqain ka

neze se kat gaya lab-e-bala hasin ka

dandan zara bhi waqt-e-tabassum jo hun ayan

misl-e-sadaf kohr se ho labrez asman

shukr farosh-e-misr halawat har ik zaban

rangini-e-kalam hai shirini-e-bayan

hairan labon ke nur se ahl-e-kamal hain

ye hont hain ke zer-o-zabar do hilal hain

mu-e-kamar ki ye qad-e-gulgun mein hai bahar

jis tarah laal se ho rag-e-laal ashkar

patke se aur bhi hua ye nuqta pechidar

maani mein aql-o-fahm ulajhte hain bar bar

sada hi naqsh rahne diya is murad ka

khul jaega bandha hua mazmun jihad ka

qad rasti se saya sifat pairo imam

jakar harim-e-bagh mein gar ye karen qayam

apna imam jan ke har qad ko la kalam

sarw-e-chaman namaz parhen pusht par tamam

arzan mile to mol ye tuba ko lete hain

baiana sidra ka alif qad se dete hain

khubi-o-faur nur badan ki hai ye ayan

kariyan zira ki hain rag-e-jan ki tarah nihan

jo shai nazar na ae karun us ka kya bayan

sab ko guman zira ka hai lekin zira kahan

sahab hunar muhib hain shah-e-zualfaqar ke

pahna hai bar mein teghon ka jauhar utar ke

hain khuduh ke jin se buruj falak hain kam

hathon mein yak qalam alif-e-tegh hain alam

khat-e-shikast-e-fard sipar par karen raqam

dekho kaman-o-tir bhi hain nawan-o-alqalam

nur-e-sipar ke jalwe se pur nur hai zira

ye tur hain to sura-e-waltaur hai zira

husn-e-silah ye hai suno zor ka bayan

pae shikwa koh pe rakhen jo ye jawan

surma ho koh-e-char taraf chashme hun rawan

chahen zamin buland karen misl-e-asman

jab kah ke ya janab-e-amir aen josh par

misl-e-sipar falak ko bhi rakhen ye dosh par

panje se gar ye kulah-e-rustam ko den fishar

dandan nikal paren sifat-e-dana-e-anar

misl-e-zira ye jauhar-e-faulad len utar

naara karen to koh-e-sada den na ek bar

jab ya hasin kah ke ye qabze ko chum len

yusuf se misr len to sikandar se rom len

himmat ye hai jo zarna ho ye sar ata karen

jara t ye hai ke lakhon se tanha dua karen

talat ye hai ke zarre ko shams alzzuha karen

qudrat ye hai ke shama se shola juda karen

dushman agar falak pe bhi waqt-e-jidal jae

tegh un ki asman pe misl-e-hilal jae

ho ag sard khauf se ye garm hun agar

lo ha ho mom sang ho pani dam-e-nazar

ahista panja rakh den jo dushman ke panje par

dar ae saf panje mein yun panja sar basar

phir sozan-e-khirad ko na yara rafu ka ho

dastana un ke hath ka panja adu ka ho

murakkab iraqi-o-arabi rashk-e-hur-e-tur

yaksan har ek rah hai in ghoron ke huzur

dariya-o-koh-e-past-o-buland-o-qarib-o-dur

chal phir ka imtihan jo karen sahab-e-shuur

ghusse se yan talak ye zaif-o-nizar hun

tage ki tarah soi ke nake se par ho

bal un ke shahpar-e-mulk almut mubamo

waljama un se dost pareshan magar adu

hun qatra zan to charkh pe karle huma wuzu

mehrab-e-naal mein rahe sajde ki arzu

be bal-o-par misal sharar urte phirte hain

ban ban ke bijliyan saf-e-dushman pe girte hain

jallad karbala ke hain maujud is taraf

kholi-o-shis-o-ibn-e-rabii-e-nakhalaf

wo ya yazid kahte hain ye yashah najaf

teghen api hui nazar ati hain saf basaf

kis par jafa-o-zulm ka wan khatima nahin

han bahr-e-zabh ik pisar-e-fatima nahin

gopal a hani liye ik samt bad guhar

bhale sambhale dosh pe ik taraf neza war

ik soliye kamandon ke halqe zabun sair

the apne apne ghaul mein wo ghaul sar basar

garaz-e-giran the baaz giran sar liye hue

baaze sharir sarm wajmadhar liye hue

wo rustaman harb araq-o-arab ke bal

wo toliyan sawaron ki wo paidalon ke dil

wo dand par chamakte hue barchhiyon ke phal

siriyan wo gol gol wo paikan chau pahal

urna wo beriqon ka lachakna nishanon ka

bal khana rayaton ka damakna sinanon ka

teshe liye sawaron ke hamrah khail tash

hun jin ke dast-e-jaur se kohsar pash pash

bad khwah-o-badmast-o-bad ain-o-bad qumash

jamalon ki wo saut hadi samia kharash

mahmil se thi kise hue anchal hawa-e-tund

naqe the ya hui thi mushkil hawa-e-tund

koson talak the daman-e-jangal mein kina khwah

kotah hui thi wusat-e-sahra piye sipah

bhir is qadar ke pik-e-nazar ko mile na rah

fikr-o-qayas wahm jahan ja ke ho tabah

ham rah in khabison ka rahbar magar hua

nari dukhan shola bane jab guzar hua

mukhtar naara zan tha su-e-lashkar-e-giran

han bahr-e-harb-o-zarb barho khol kar nishan

nikla idhar se marra-e-zalim liye sinan

ye wo tha jis ne mara tha akbar ko naujawan

yan se yatim malik-e-ashtar rawan hua

goya ke halq kufr pe khanjar rawan hua

hashmat abad abad thi to raunaq azal azal

hasti pukarne lagi har su ajal ajal

qalib ka ruh ko tha ishara nikal nikal

boli zamin-e-gaoz mein se sambhal sambhal

han ran mein amad amad-e-mard-e-diler hai

ye sher kirdagar ke sheron ka sher hai

marra ne wo rajaz parha jis se hue wo ghash

bola shaqi mein qatil akbar hun sherwash

ye bole ham hain fidya-e-sadat faqa kash

jin ke aziz ran mein mu-e-kah ke altaash

azdar laqab diya hai mujhe kard gar ne

bakhshi hai tegh-e-fath shah zolfaqar ne

azraq yazidi fauj mein tha fakhr ro-o-sham

nam awaron ki teghon pe kanda thajis ka nam

rahta tha mahw-e-zarb shujaon se subh-o-sham

aur nam un ke likhe the ik fard par tamam

bandha tha shane par wo nawashta ghurur se

kam janta tha zor-e-sulaiman ko zor se

ik dafa khud rom kya us ne zeb sar

aur zeb-e-jism ki zira-e-misr sar basar

char aina halab ka sanwara idhar idhar

latka liya kaman-e-kayani ko dosh par

make ki dhal rukh pe ummid najat mein

ek tegh-e-hind zer-e-rikab ek hath mein

jumbish mein aya koh ki surat mein wo sharir

gardish mein laya neze ko manind-e-charkh-e-pir

rahwar-e-maghribi pe charha bahrdar-o-gir

zarrin kamar ghulam liye sab kaman-o-tir

hairan us ki did se har ek jawan hua

lashkar se ya maanoye kah kar rawan hua

jakar huzur ibn-e-husn us ne di nida

azraq mira khitab hai mashhur ja baja

ai tifl-e-jangju tira nam-o-nasab hai kya

farmaya nam qabiz-e-arwah hai mira

hangama-e-hayat ko ab faut janiyo

apne liye mujhe mulk almut janiyo

ye kah ke is laim azal par kya jowar

abru ki b ko do kya dal dahan ko char

allah re atish-e-dam-e-shamshir-e-shola bar

arzaq ki tegh par jo para aks ek bar

misl-e-sapnad jauhar-e-shamshir ur gae

ran ki zamin se akhtar-e-sayyar mur gae

kya katne mein ab-e-dam-e-tegh-e-tez tha

tezab se bhi tez boqat satez tha

rahwar-e-be hawas dam-e-jast-o-khez tha

par lang anke hath se pae gurez tha

patka pakar ke le gae yun us ko zain se

wo zain se juda hua murakkab zamin se

ham mein bhi hain unhen ke karam se ye sab hunar

sun ho gaya ye sunte hi sar hanag khira sar

jine se hath utha ke lagai sinan magar

ghazi ne dar khali diya rakhsh pher kar

phir neza kata tegh se yun ek zarb mein

ik nisf-e-sharq mein gira ik nisf gharb mein

neze ke badle neza laga ya jo daur kar

sham-e-sinan ka ho gaya fanus us ka sar

par wana war chalne lage murgh-e-jan ke par

bole gira ke ab dahan us ki rish par

dozakh mein ja yazid ki khidmat ke waste

duniya mein tera nam hai laanat ke waste

tanha idhar the ap hazaron shaqi idhar

us par na tha har is zahe dil-e-khusha jigar

chalti thin barchhiyan kabhi teghen kabhi tabar

sab ko jawab deti thi ik tegh-e-shola war

phirti thi jab ke zarb adad rok rok kar

do karti thi har ek ko phir tok tok kar

par jis shaqi par aks husam zafar gira

do takre ho ke nisf idhar nisf idhar gira

sae ki tarah paon pe sardaur kar gira

ghul tha zamin pe kufr-o-zalalat ka dar gira

jab waqt-e-zarb hath mein shamshir phir gai

malik ki sab ki ankhon mein taswir phir gai

tan se alahida huin teghen ma-e-kamar

qurs-e-sipar ke sath ure tez tez par

baktar zira ke sath kate ho ke khun mein tar

chillon ke sath hath to the sar ke sath sar

rayat sinan ke sath jhuke kanpte hue

parcham gire phir haron se munh dhanpte hue

ik munh ke do munh ae nazar wo safa-e-tegh

naben thin yado abru-e-jang azmae tegh

jauhar thi ya ke khanda-e-dandan nimae tegh

wo cham wo kham wo barh wo banki ada-e-tegh

zakhmon ke gul khule jo wo gulgun qaba chali

dil pas gae jidhar ko wo nazuk ada chali

parhti hui zaban se nad ali phiri

taazir ahl-e-sham ko di jan li phiri

sinon mein aur dilon mein khafi aur jali phiri

kis kis ada-o-naz se uthi chali phiri

daman-e-dasht-e-khun se gul rang hogaya

bhagajo asp koi to chaurang hogaya

wo dam kis us ka aur wo cham kham-o-ab-o-tab

afat ki barh qahr ka kat aur ghazab ki ab

jis nab se ke zohra-e-rustam ho khun-e-nab

dariya-e-tegh har pal mahshar ka tha jawab

dariya charha wo khun ka ke pairak dar gae

nalon ke pal pe sar badnon se utar gae

bismil pare the din mein kahin kah kahin pe mah

nezon ke band qurs-e-sipar halqa-e-zira

kholi ajal ne nakhun-e-tadbir se girah

istada khak par kahin sesar kahin pe zeh

jamdhar kahin umud kahin barchhiyan kahin

tarkash kahin khadang kahin aur kaman kahin

shaper ke ghulamon se kahte the ushuqya

tum kya ho ham pe warna hue shah dusra

ham ne qalam kiya sar-e-farzand murtaza

ham ne rasul zadiyon ki chhin li qaba

zinda khuda kare agar ibn-e-batul ko

phir katen bosa gah-e-janab-e-rasul ko

asghar jo zinda ho to abhi tir phir lagaen

zakhmi karen jigar ko jo akbar ka sina paen

shane imam hasin ke bazu ke kat laen

maqdur ho to balwe mein sadat ko pharaen

manzur qatl-e-am ki ab sair hai tumhen

shar ham se karne ae ho kuchh khair hai tumhen

dete the ye jawab-e-ghulaman-e-murtaza

han ye ghurur hai tumhen ai laanat-e-khuda

wan rahm tha karam tha murawwat thi sabr tha

jitna khuda ka hukm tha itna har ik lara

chamki thi tegh jab ke shah kam sipah ki

kis ne duhai di thi risalat panah ki

khair un ki un ke sath shujaat thi ya karam

ab aj is tarah se laro tum to janen ham

lekin halal khun-e-adu-e-imam hai

tum ko bhi maren bachchon ke sar bhi karen qalam

khana hamen haram hai pina haram hai

lekin halal khun-e-adu-e-imam hai

ik din mein dekh lijiyo kis kis ka khun baha

kis kis ki auraten phiren kuchon mein be rida

sab kuchh ye ham karenge magar wa masbata

dil se mitega dagh na zinib ki qaid ka

kaunain hun jo qatl to razi khuda na ho

yaani hasin fatima ka khun bahana ho

jab khun-e-nahaq shuhada josh-e-zan hua

aur intiqam ka tiro taza chaman hua

mukhtar morid madad panchtan hua

mahw-e-qisas qatl-e-shah-e-be kafan hua

kofa silah poshon se abad hogaya

takhta zamin ka baiza-e-faulad hogaya

aya idhar se jab warqa jang ko idhar

qabze mein tegh-e-satr thi aur naqse ki sipar

is namwar ne tegh ke dore se sarbasar

mistarpiye raqam kiya warqa ke jism par

tankhwah zakhm de ke dil-e-afsurda kardiya

warqa ka chehra fard barawarda kardiya

boli ajal ke tukre barabar hue hain char

par be dalil aql ko aya na etibar

rag rag ko uzw uzw ko us ne kiya shumar

gin dale mu-e-kasa-e-sar bhi sab ek bar

kya hath tha tala hua is khush khisal ka

tukron mein sar ke farq na tha ek bal ka

ushaq nam a ke hua phir to razm khwah

darra usi ne mara tha bint-e-ali ko ah

tegh-e-safed dosh pe rakhe tha rusiyah

ghazi ne hath zer-e-baghal se barha ke wah

yun nok-e-tegh khinchi ke ghash wo bhi kar gaya

qabza to hath mein raha aur phal utar gaya

tu turfa be khudi ke na un pe hua guman

samjha kisi ne pusht pe ki duzdi-e-nihan

dekha qifa ko tegh ka phal tha wahan kahan

par tegh ibn-e-malik-e-ashtar pari yahan

rukh to idhar tha farq-e-jasad par idhar na tha

wan dekha phal na tha jo murayan to sar na tha

akar dagha talab hua phir khazin-e-umar

nam us ka dar hami tha siyah qalb-e-badsiyar

shakl-e-fulus tan pe zira ati thi nazar

tegh un ki misl-e-sikka hui us pe kar gar

yun tegh khurda ho ke zamin ke tale gaya

goya chura ke duzd ajal us ko le gaya

likha hai tah nashin hua ufsil misal-e-durd

murda na paya dhund phire go buzurg-o-khurd

taht alssari ko qahr-e-khuda ne kiya supurd

tha dirhami zamin ne kya us ko khurd barad

qarun ke khazana mein wo tira dil gaya

ye dirhami bhi dirhamon mein jake mil gaya

ai nida ali ki ke shabash mere sher

mukhtar bola idak allah ai diler

ab ham larenge dam lo wagha ko hui hai der

tum sair hoge khun se un ke na banda sair

han barh ke kya hato ke ali ke ghulam ho

saqqe ko bhej dun tum agar tishna kam ho

bola wo mur ke pyas to hai par nahin hiras

saqqa khara hua hai sakina ka mere pas

kahte hain pani pi le jo tujh ko lagi hai pyas

aqa ko mera dhyan hai aqa ko mera pas

pani ka nam zahr se is dam ziyad hai

wo karbala ka pyasa bhi kuchh tum ko yad hai

nagah is taraf se kamandar ik barha

ustad apni fi mein tha wo bani-e-jafa

sofar lab ko wa kiye dete the baddua

chilla kaman ne bandha tha jald us ko ho qaza

bhaga laga ke tir wo tir-e-rawan ki shakl

ghazi ne barh ke khincha gareban kaman ki shakl

tegh us ne ki hawala-e-ru jald khinch kar

wo ankh par pari pe hui kuchh na kar gar

abru ki tegh chashm ko jaise na de nazar

ghazi ne zeh kaman ko kya aur kaha thahar

ik jumbish-e-mizha mein use kor kardiya

palkon ki tarah tiron se ankhon ko bhardiya

jab ek ek warna hua bani-e-jafa

baham duhul bajate barhe sare ushuqya

tabal khuruj yan bhi baja phir to ja baja

lashkar se lashkar a ke gharaz rah mein mila

nahaq giroh-e-zulm jo shion se larta tha

khun-e-galo unhen ka gareban pakarta tha

maidan mein fauj larti thi baham idhar idhar

afsar tha un ka rukash mukhtar namwar

donon ka yun muqabla jis tarah khair-o-shar

gah dur gah pas gahe waqfa-e-hunar

mil kar kabhi sipar se sipar munh ki kha gai

lar kar kabhi sinan se sinan larkhara gai

aya na us ki fauj se koi piye madad

ik do ke bich mein nahin jaise koi adad

mehr-e-sipar ki tegh ne mani na kuchh sanad

jis tarah khar se sipar-e-abla ho rad

bal rishta-e-kamar ki girah se nikal gaya

chhin chhin ke dil ka dard zira se nikal gaya

sharma ke wo to bhag gaya surat-e-sharar

mukhtar su-e-fauj phira sina tan kar

angushtari ki tarah se sarhae ahl-e-shar

neze ki por por mein ane lage nazar

har chashm mein sinan pe chubhota tha khashm mein

putli na misl-e-dida-e-sozan thi chashm mein

khincha baghal mein tang zira posh ko agar

kariyan ragon ki tarah chubhen tan mein sar basar

aur sar mein zarb musht lagai jo daur kar

nikla misal-e-abla talwe se khud sar

ik dam mein khun fauj ke dariyarawan hue

kya yasfak aldama ke maani ayan hue

shami ko zor hashr ka naqsha dikhadiya

rumi ke dil se rutba-e-qaisar bhula diya

misri ko zahr khanjar-e-hindi pila diya

kufi ko kaf marg ka markaz banadiya

ahl-e-halab the shisha sifat chur tegh se

zangi ko misl-e-zang kiya daur-e-tegh se

ghazi the mahw-e-razm liye tegh aur sipar

paida hilal fath bhi tha aur shab zafar

kat kar nishan un ke gire the idhar idhar

ambar neza-o-sipar-o-tegh-o-khud wasar

tha shor-e-alhazar falak-e-be daregh se

dil-e-chak tha zamin chuka chak-e-tegh se

mukhtar kahta tha ke baroh abuturab

dubegi jab talak na lahu se miri rikab

main khanuman karunga sitamgaron ka kharab

ki shia-e-ali ki dua haq ne mustajab

khun a ke us ke paon para qatl gah mein

yaani ke bas koi nahin baqi sipah mein

mukhtar namwar ne kiya sajda-e-khuda

qatil jo kuchh rahe the asiran ko karliya

shimr wasnan the haramla tha ibn-e-saad tha

ki bazm-e-aish subh ko aiwan mein bapa

jalwa ziyada hogaya bazm-e-murad ka

do aishen thin ke aya sar ibn-e-ziyad ka

sab qatilon ko bazm mein balwa ke ye kaha

kyun ah fatima ka asar aj to khula

phir haramlahu ko to da kiya tir adl ka

ahl-e-khata pe chalne lage tir-e-be khata

talwar se payam-e-ajal barmala diya

phir borye mein rakh ke badan ko jala diya

nari hua jo khak to di adl ne nida

bas aj surma dida-e-insaf ko mila

par khak hone par bhi sada thi jala jala

aur sar kya umr kabhi didaron ne juda

daura ke ghore lash pe sab harf zan hue

pamal us ke hukm se satraddo tan hue

tharraya shimr dekh ke ye halat umr

sab ne giraya pusht bakhak us ko khinch kar

ik sang la ke chhor diya us ke sine par

roya shaqi to bola ye mukhtar khush sair

khamosh istighasa na ai badnihad kar

wo baithna hasin ke sine pe yad kar

zinib khadikke waste deti rahi aur ah

baitha raha to sine pe sayyad ke be gunah

bint-e-sakina karti rahi wa mohammada

kata kya to chain se ahmad ki bosa gah

anjam hai ye khun-e-shah-e-be gunah ka

dekha asar janab-e-risalat ki ah ka

ye kah ke sar utar liya tan se ek bar

phir to sinan pe chalne lage barchhiyon ke war

ghul tha ye hai wo dushman-e-maulae be dayar

balisht bhar jagah se hua jis ka neza par

shah rag jo kati tegh se is rusiyah ki

mardud ne to ah ki hataf ne wah ki

hangama-e-qisas tha barpa ke nagahan

muslim ke ik yatim ka qatil hua ayan

thame hue tha murakkab zakhmi ki wo inan

ansu the donon ankhon se is ghore ke rawan

rakib ki yad dekh ke murakkab ko agi

wo ah sab ne ki ke zamin thar tharra gai

nagah ek bachcha wahan aya rashk-e-mah

munh bhula bhula rukh pe siyadat ka izzo jah

par topi us ke sar pe na karta gale mein ah

gesu pe khak dale hue misl-e-dad khwah

faqe se tha ye hal ke jan us ki jati thi

awaz-e-ustukhwan se larazne ki ati thi

qatil ke gard jama the momin idhar idhar

mukhtar tak na ja saka wo ghairat-e-qamar

faqe se gir ke rone laga dar pe baith kar

mukhtar bola kaun ye hai lao to khabar

sab ne kaha gharib sa ik larka rota hai

jurat ne di nida ke ye muslim ka pauta hai

mahfil mein us ko la ke mukhatib hue bashar

sayyad tumhara nam kaha us ne be pidar

be kis yatim muslim-e-bekas ka hun pisar

mukhtar bola sayyadna ae tum kidhar

ro kar kaha ke waqt mein yan tak khalal para

faqon ke mare bhai mein ghar se nikal para

mahfil mein sab ne nauha kya wa mohammada

ye hal mustafae ke yaganon ka ah ah

mukhtar ne panhaya use karta aur kulah

wo bola meri man bhi hai uryan khuda gawah

mukhtar ne daraham-o-khilat mangadiye

sayyad ne chhote hath dua ko utha diye

mukhtar ne kaha ke talab kuchh to aur kar

bola dikha ke bap ke qatil ko wo pisar

bas ye hai arzu ke hamen katen us ka sar

ik nimcha manga ke diya us ne jald tar

faqon se gonaqiya bahut wo yatim tha

par nimcha jo mara to qatil do nim tha

phir nezon par alam kiye mukhtar ne wo sar

aur kashtiyon mein us ne dhara rakht-o-mal-o-zar

bola ye dostan-e-ali se wo khush sair

le jao hai ye hadya-e-sajjad namwar

kahna koi hasin ka qatil raha nahin

par be hasin jine ka apne maza nahin

zinib ko meri samt se ye dijiyo payam

ai sida hasin ka to kab hai intiqam

par qatilon ko qatl kiya main ne lakalam

rakht-e-siyah utar ab ai khwahar-e-imam

ai nida wo sog na hasha utaregi

zinib utaregi to na zahra utaregi

le kar chale ye hadya ghulaman-e-botrab

misl-e-nuzul-e-rahmat-e-haq pahunche wan shitab

is dam magar hue dar-e-abid pe bar yab

jab chasht kha rahe the imam-e-falak janab

bachchon pe ho na faqa ye matlab tamam tha

un ka to mahazar gham-e-qatl-e-imam tha

fizza ko mominon ne bulaya qarib-e-dar

wo sar bhi kashtiyan bhi use saunpen sarbasar

mukhtar ka payam kaha hath bandh kar

fizza wo hadye le gai zinib ko di khabar

din aj to khuda ne dikhaya murad ka

bi bi mubarak aya saribn ziyad ka

hujre main apne bhai ke wo karti thi buka

ah-o-fughan ke dhyan mein us ne na kuchh suna

boli mubaraki kise deti hai kya hua

uth aya kya mazar se dil band-e-mustafa

kya jita qatl gah se akbar phira mira

kya ghantiyon madine mein asghar phira mira

wo boli qatilon ke sar ae juda juda

zinib pukari ae to ane de mujh ko kya

aise shaqi agar hue be sarhazarha

dagh-e-hasin mitta hai dil se kahin bhala

mahshar talak rahega ye nasur sine mein

hai hai hasin qabr mein zinib madine mein

marjana ke pisar ka jo abid ne dekha sar

bole haram se qudrat-e-haq par karo nazar

ik din wo tha ke khata tha khana ye bad sair

jab shimr le gaya tha sar-e-shah-e-bahr-o-bar

bara gale bandhe hue ik resman se

ham tum khare the chupke asiron ki shan se

aur ek roz ye hai ke ham khate hain ghiza

sar us ka mere samne ye hai dhara hua

sajde ko gir pare haram-e-sher-e-kibriya

aen gharon se auraten sun kar ye majra

har sar ki samt ko ye haram ka ishara tha

lauta tha us ne us ne hamen neza mara tha

dekha sakina ne jo sar-e-shimr bad sifat

girne lagi wo sahm ke saghra ka thame hath

boli bahan daro na hai darne ki kaun bat

ungli utha ke ah pukari wo nek zat

kyun kar na main darun ke bahut sadme pae hain

saghra hamen usi ne tamanche lagae hain

abid se ye kaha ke zara mujh ko do ye sar

le jaun us ko qabr risalat panah par

aur qabr ko hilaun ke ya sayyad albashar

hazir hai shimr jis ne liya hai mira guhar

puchho to kya jawab ye deta hai ap ko

mara hai kis khata pe sakina ke bap ko

naga kiya imam ne in kashtiyon ko wa

dekha safed kapron ko aur agi haya

ro kar zanan-e-hashimye se ye phir kaha

samjhao tum phuphi ko ke bas hochuki aza

hujre se bahar ati hai ne pani piti hain

ejaz hai hasin ke gham ka ke jiti hain

kahna miri taraf se ke ai sahab-e-aza

shaper ki aza ka tumhen ajr de khuda

yasrab mein ab talak koi dolaha nahin bana

surma zanan-e-hashimye ne nahin diya

ye to wo gham hai hashr talak khalq ru-e-gi

par ab madine walon ko taklif hue gi

laen jo kashtiyan su-e-zinib wo nauha gar

dekha zamin pe baithi hai tanha jhukae sar

nam-e-hasin likhti hain ungli se khak par

le kar balaen harfon ki milti hain chashm par

sab gard baithen rone ko munh dhanp dhanp kar

qabr-e-rasul rah gai bas kanp kanp kar

jab ro chuken to kashtiyon ko khol kar kaha

ye kapre sab hain hadya-e-mukhtar bawafa

ham sadqe sog utariye ai bint-e-murtaza

ab tak kisi ne ham mein se shana nahin kiya

ham kapre pahnen ab bhi waada jo lijiye

den surma ham bhi ap agar surma dijiye

zinib pukari ah kahan jaun ai khuda

logo mujhe na tang karo bahr-e-mustafa

ghar chhor dun agar mire rone pe ho khafa

jangal mein ja ke bhai ki khatir karun buka

marte hue bhi sog na hargiz barhaungi

firdaus mein yahi kafani pahne jaungi

kya ik faqat hasin baradar ka sog hai

ai sahabo batul ke ghar bhar ka sog hai

akbar ka sog hai ali asghar ka sog hai

kis ka utarun sog behtar ka sog hai

ik ik baras jo sog ki un ke hawas karun

matam musafiron ka behtar baras karun

shadi tumhen jahan mein barabar nasib ho

aqd-e-pisar urusi-e-dukhtar nasib ho

zinib ko matam ali akbar nasib ho

ye boriya-e-sog baradar nasib ho

marti hui mein ganj-e-shahidan pe jaungi

jin ka hai sog qabr pe un ki barhaungi

achchha mein surma deti hun khak-e-shifa mangao

lo sog mein barhati hun bhai se puchh ao

achchha ye kapre ganj-e-shahidan pe le ke jao

mis karke khak-e-pak se zinib ke pas lao

hadye mein sogwaron ke ye pairahan diya

hazrat ki lash ko na kisi ne kafan diya

sar dhanp lun kaho ali akbar bhi aenge

badlon mein kapre bhai gale se lagaenge

abbas qatl gah se tashrif laenge

punchhon mein ansu munh ali asghar dikhaenge

mango dua batul ki jai ke waste

marjae roti roti ye bhai ke waste

zinda hun sahabo mein tumhari nigah mein

murda hun main firaq shah kam sipah mein

zinib kahan hai al-e-risalat panah mein

wo waqt-e-asr-e-zabh hui qatl gah mein

zahra ke rishta daron ki taqdir phir gai

sab ke gale pe shimr ki shamshir phir gai

gar tum ko apne sath rulaun gunahgar

rone ko ghar tumhare jo aun gunahgar

ya apne ghar kisi ko bulaun gunahgar

mehman jo shadi biyah mein jaun gunahgar

shadi ki rasm uth gai is khandan se

sab tha hasin tak wo sidhare jahan se

phir man ki qabr par gai zinib barahna pa

boli pisar ko roti ho tanha lahad mein kya

bi bi hamare rone se ab khalq hai khafa

do pahlu-e-shikasta mein thori si mujh ko ja

aman bala lo qabr mein mujh be nasib ko

ham ap mil ke roen hasin-e-gharib ko