دیکھ لو اک نظر میں کچھ بھی نہیں

دیکھ لو اک نظر میں کچھ بھی نہیں

سچ کہا ہے بشر میں کچھ بھی نہیں

شیخ کچھ اپنے آپ کو سمجھیں

میکشوں کی نظر میں کچھ بھی نہیں

کچھ نہ ہونے پہ ہو تمہیں سب کچھ

تم نہیں ہو تو گھر میں کچھ بھی نہیں

کیا سمجھتا ہے آپ کو اے دل

تو کسی کی نظر میں کچھ بھی نہیں

اے شرفؔ سچ ہے مصرعۂ مصباحؔ

ہم تو اپنی نظر میں کچھ بھی نہیں

dekh lo ik nazar mein kuchh bhi nahin

sach kaha hai bashar mein kuchh bhi nahin

shaikh kuchh apne ap ko samjhen

maikashon ki nazar mein kuchh bhi nahin

kuchh na hone pe ho tumhen sab kuchh

tum nahin ho to ghar mein kuchh bhi nahin

kya samajhta hai ap ko ai dil

tu kisi ki nazar mein kuchh bhi nahin

ai sharaf sach hai misra-e-misbah

ham to apni nazar mein kuchh bhi nahin