دیواں وفور غم سے مرا رہ گیا غلط

دیواں وفور غم سے مرا رہ گیا غلط

مضموں غلط ردیف غلط قافیہ غلط

اک اک گھڑی فراق میں سو سو برس کی تھی

بے یار سب حساب مہ و سال تھا غلط

گر تم نقاب اٹھاؤ رخ تاب دار سے

خورشید کا ہو دعوائے نور و ضیا غلط

خوش ہے وہی رضا پہ جو ثابت قدم رہے

ہوتا نہیں نصیب کا لکھا ہوا غلط

کس کس خطائے کار کو نایابؔ روؤں میں

میرے ہر ایک کام کی ہے ابتدا غلط

diwan wafur-e-gham se mira rah gaya ghalat

mazmun ghalat radif ghalat qafiya ghalat

ik ik ghari firaq mein sau sau baras ki thi

be yar sab hisab-e-mah-o-sal tha ghalat

gar tum naqab uthao rukh-e-tab dar se

khurshid ka ho daawae nur-o-ziya ghalat

khush hai wahi raza pe jo sabit qadam rahe

hota nahin nasib ka likha hua ghalat

kis kis khata-e-kar ko nayab roon mein

mere har ek kam ki hai ibtida ghalat