دیوانوں میں ذکر دل دیوانہ رہے گا

جب میں نہ رہوں گا مرا افسانہ رہے گا

گیسو کی بھی نگہت سے وہ بیگانہ رہے گا

مجنوں نے کہا نجد میں مجھ سے دم آخر

آباد ترے دم سے یہ ویرانہ رہے گا

ہاتھوں میں وہ مہندی بھی ملیں دل کا لہو بھی

دونوں کا مگر رنگ جداگانہ رہے گا

کعبہ کی طرف جانے کو ہم جائیں گے زاہد

دل محو خیال رہ بت خانہ رہے گا

آرام ملے گا نہ زمانے میں جگرؔ کو

دل میں جو نہ تو اے غم جانانہ رہے گا

jab main na rahunga mira afsana rahega

gesu ki bhi nighat se wo begana rahega

majnun ne kaha najd mein mujh se dam-e-akhir

abad tire dam se ye wirana rahega

hathon mein wo mehndi bhi milen dil ka lahu bhi

donon ka magar rang judagana rahega

kaaba ki taraf jane ko ham jaenge zahid

dil mahw-e-khayal-e-rah but khana rahega

aram milega na zamane mein jigar ko

dil mein jo na to ai gham-e-janana rahega