دیکھ موہن تری کمر کی طرف

دیکھ موہن تری کمر کی طرف

پھر گیا مانی اپنے گھر کی طرف

جن نے دیکھے ترے لب شیریں

نظر اس کی نہیں شکر کی طرف

ہے محال ان کا دام میں آنا

دل ہے مائل بتاں کا زر کی طرف

تیرے رخسار کی صفائی دیکھ

چشم دانا کی نئیں گہر کی طرف

ہیں خوشامد طلب سب اہل دول

غور کرتے نئیں ہنر کی طرف

ماہ رو نے سفر کیا ہے جدھر

دل مرا ہے اسی نگر کی طرف

حشر میں پاکباز ہے ناجیؔ

بدعمل جائیں گے سقر کی طرف

dekh mohan tiri kamar ki taraf

phir gaya mani apne ghar ki taraf

jin ne dekhe tire lab-e-shirin

nazar us ki nahin shakar ki taraf

hai muhal un ka dam mein ana

dil hai mail butan ka zar ki taraf

tere rukhsar ki safai dekh

chashm-e-dana ki nain guhar ki taraf

hain khushamad talab sab ahl-e-dol

ghaur karte nain hunar ki taraf

mah ru ne safar kiya hai jidhar

dil mira hai isi nagar ki taraf

hashr mein pakbaz hai naji

badamal jaenge saqr ki taraf