دیوانہ ہوں مجھے نہ تساہل سے باندھئے

ہاتھوں کو خوب رشتۂ کاکل سے باندھئے

اہل چمن کو اتنا پریشاں نہ کیجئے

بکھرے ہوئے یہ بال ہیں سنبل سے باندھئے

ہرگز نہ ہوجیے کس و ناکس سے ملتجی

اس غم کدے میں دھیان توکل سے باندھئے

یہ خوب جانتا ہوں کسی کو کرو گے قتل

خنجر کمر میں آپ تجاہل سے باندھئے

اس گلشن جہان میں بد عہد ہیں سبھی

بلبل یہاں نہ عہد کسی گل سے باندھئے

احوال ایک ہے دل وحشت سرشت کا

یا جز سے باندھئے اسے یا کل سے باندھئے

ؔجوشش تو اس طرح کی زمینوں میں یاد رکھ

مضموں جو باندھئے سو تأمل سے باندھئے

hathon ko khub rishta-e-kakul se bandhiye

ahl-e-chaman ko itna pareshan na kijiye

bikhre hue ye bal hain sumbul se bandhiye

hargiz na hojiye kis-o-nakas se multaji

is gham kade mein dhyan tawakkul se bandhiye

ye khub janta hun kisi ko karoge qatl

khanjar kamar mein ap tajahul se bandhiye

is gulshan-e-jahan mein bad ahd hain sabhi

bulbul yahan na ahd kisi gul se bandhiye

ahwal ek hai dil-e-wahshat sarisht ka

ya juz se bandhiye use ya kal se bandhiye

joshish to is tarah ki zaminon mein yad rakh

mazmun jo bandhiye so tamal se bandhiye