دیکھ تو بے رحم عاشق نیں تجھے چھوڑا نہیں

دیکھ تو بے رحم عاشق نیں تجھے چھوڑا نہیں

کس قدر بے روئیاں دیکھیں پہ منہ موڑا نہیں

ایک چسپاں ہے تجھی پر خوش نمائی کی قبا

دوسرا کوئی جامہ زیبوں میں ترا جوڑا نہیں

لٹ پٹے سج نیں ترے دل کوں کیا ہے لوٹ پوٹ

ورنہ عالم بیچ ٹک بندوں کا کچھ توڑا نہیں

دیکھنا شیریں کا اس کوں سخت لاگا سنگ میں

بے سبب فرہاد نیں پتھر سیں سر پھوڑا نہیں

آدمی درکار نہیں سرکار میں حیوان ڈھونڈھ

کون بوجھے یاں سپاہی کے تئیں گھوڑا نہیں

جیو نے مرنے میں حق اوپر توکل ہے اسے

آبروؔ نیں زخم کے کھانے میں ہاتھ اوڑا نہیں

dekh to be rahm ashiq nain tujhe chhora nahin

kis qadar be ruiyan dekhen pe munh mora nahin

ek chaspan hai tujhi par khush numai ki qaba

dusra koi jama zebon mein tira jora nahin

lut pite saj nain tire dil kun kya hai laut pot

warna alam bich tuk bandon ka kuchh tora nahin

dekhna shirin ka is kun sakht laga sang mein

be sabab farhad nain patthar sin sar phora nahin

admi darkar nahin sarkar mein haiwan dhundh

kaun bujhe yan sipahi ke tain ghora nahin

jiyo ne marne mein haq upar tawakkul hai use

abru nain zakhm ke khane mein hath ora nahin