بری اور بھلی سب گزر جائے گی

بری اور بھلی سب گزر جائے گی

یہ کشتی یونہیں پار اتر جائے گی

ملے گا نہ گلچیں کو گل کا پتا

ہر اک پنکھڑی یوں بکھر جائے گی

رہیں گے نہ ملاح یہ دن سدا

کوئی دن میں گنگا اتر جائے گی

ادھر ایک ہم اور زمانہ ادھر

یہ بازی تو سو بسوے ہر جائے گی

بناوٹ کی شیخی نہیں رہتی شیخ

یہ عزت تو جائے گی پر جائے گی

نہ پوری ہوئی ہیں امیدیں نہ ہوں

یونہیں عمر ساری گزر جائے گی

سنیں گے نہ حالیؔ کی کب تک صدا

یہی ایک دن کام کر جائے گی

buri aur bhali sab guzar jaegi

ye kashti yunahin par utar jaegi

milega na gulchin ko gul ka pata

har ik pankhuri yun bikhar jaegi

rahenge na mallah ye din sada

koi din mein ganga utar jaegi

idhar ek ham aur zamana idhar

ye bazi to so biswe har jaegi

banawat ki shekhi nahin rahti shaikh

ye izzat to jaegi par jaegi

na puri hui hain ummiden na hun

yunahin umr sari guzar jaegi

sunenge na hali ki kab tak sada

yahi ek din kam kar jaegi