باعث ترک ملاقات بتاؤ تو سہی

باعث ترک ملاقات بتاؤ تو سہی

چاہنے والا کوئی ہم سا دکھاؤ تو سہی

کیسی ہوتی ہے محبت نہیں معلوم تمہیں

ایک دو دن کہیں دل تم بھی لگاؤ تو سہی

بے وفائی کی ہے تہمت چلو مانا ہم نے

ہاں بھلا ہم سے ذرا آنکھ ملاؤ تو سہی

جان دے دوں گا مگر تم کو نہ جانے دوں گا

اٹھ کے پہلو سے بھلا تم مرے جاؤ تو سہی

نہیں ملنے کی جو مرضی ہے نہ ملنا ہم سے

بات کرنا کہ نہ کرنا مگر آؤ تو سہی

دیکھ لو جیتے ہیں یا مرتے ہیں مشتاق صدا

اپنی آواز ذرا ان کو سناؤ تو سہی

ہر طرح بگڑے ہوئے بیٹھے ہیں جانے کے لیے

آسماںؔ آج کوئی بات بناؤ تو سہی

bais-e-tark-e-mulaqat batao to sahi

chahne wala koi ham sa dikhao to sahi

kaisi hoti hai mohabbat nahin maalum tumhen

ek do din kahin dil tum bhi lagao to sahi

be wafai ki hai tohmat chalo mana ham ne

han bhala ham se zara ankh milao to sahi

jan de dunga magar tum ko na jane dunga

uth ke pahlu se bhala tum mire jao to sahi

nahin milne ki jo marzi hai na milna ham se

bat karna ke na karna magar ao to sahi

dekh lo jite hain ya marte hain mushtaq sada

apni awaz zara un ko sunao to sahi

har tarah bigre hue baithe hain jane ke liye

asman aj koi bat banao to sahi