بارک اللہ میں ترے حسن کی کیا بات کہوں

بارک اللہ میں ترے حسن کی کیا بات کہوں

سج کہوں دھج کہوں چھب تختی کہوں گات کہوں

رخ و زلف اس کے شب تار میں دیکھے باہم

ہوں اچنبھے میں اسے دن کہوں یا رات کہوں

کی قیامت ترے قامت نے تو گلشن اوپر

پنکھڑی ایک طرف پھول کہوں پات کہوں

طاق ابرو کے نظارے کے تھے خواہاں سو ملا

اور کیا حاجت اب اے قبلۂ حاجات کہوں

دیکھنے کو ابھی دل تڑپا کہ تم آ پہنچے

کشش دل کہ تمہاری یہ کرامات کہوں

عین ہجراں میں بہار گل و باراں آئی

گریہ عاشق کا کہوں یا اسے برسات کہوں

اظفریؔ نے ہیں ترے عشق میں جھیلے پیارے

کیا کیا آفات بلیات کہ صدمات کہوں

barak allah mein tire husn ki kya bat kahun

saj kahun dhaj kahun chhab takhti kahun gat kahun

rukh-o-zulf us ke shab-e-tar mein dekhe baham

hun achambhe mein use din kahun ya rat kahun

ki qayamat tire qamat ne to gulshan upar

pankhuri ek taraf phul kahun pat kahun

taq-e-abru ke nazare ke the khwahan so mila

aur kiya hajat ab ai qibla-e-hajat kahun

dekhne ko abhi dil tarpa ke tum a pahunche

kashish-e-dil ke tumhari ye karamat kahun

ain-e-hijran mein bahar-e-gul-o-baran ai

girya ashiq ka kahun ya use barsat kahun

azfari ne hain tire ishq mein jhele pyare

kya kya afat balliyat ke sadmat kahun