دیکھ کر یہ چلن تمہارے ہم

دیکھ کر یہ چلن تمہارے ہم

خاک میں مل گئے بے چارے ہم

جن ہیں یا دیو بھوت ہیں کیا ہیں

نہیں لگتے جو تم کو پیارے ہم

بے قراری سے دل کی شب کو ہائے

در پہ اس کے بہت پکارے ہم

یہ جو گلزار سا ہے رخ تیرا

لیں گے اس باغ کو اجارے ہم

داغ اک تحفہ لے کے ہستی میں

سوئے ملک عدم سدھارے ہم

رات محفل میں کان میں اس کے

کہہ کے کچھ ہو گئے کنارے ہم

منتظرؔ دل نے دکھ دیا یہ کہ بس

مر گئے درد و غم کے مارے ہم

dekh kar ye chalan tumhare ham

khak mein mil gae be chare ham

jin hain ya dew-e-bhut hain kya hain

nahin lagte jo tum ko pyare ham

be qarari se dil ki shab ko hae

dar pe us ke bahut pukare ham

ye jo gulzar sa hai rukh tera

lenge is bagh ko ijare ham

dagh ik tohfa le ke hasti mein

su-e-mulk-e-adam sidhare ham

rat mahfil mein kan mein us ke

kah ke kuchh ho gae kinare ham

muntazir dil ne dukh diya ye ke bas

mar gae dard-o-gham ke mare ham