دیکھ کر مے منہ میں پانی شیخ کے بھر آئے گا

دیکھ کر مے منہ میں پانی شیخ کے بھر آئے گا

چیز اچھی دیکھے گا مفلس کا جی للچائے گا

شعلہ بھڑکا کر رہے گی یہ دبی آگ ایک دن

گر وہ ٹھنڈی گرمیوں سے دل مرا سلگائے گا

کاکل پرپیچ سے حاصل ہوا یہ مو بہ مو

ہاتھ کو جو کھینچ لے گا پاؤں کو پھیلائے گا

ضبط گریہ سے ہے نقصاں قصر تن کے واسطے

بیٹھ ہی جائے گا گھر پانی اگر مر جائے گا

چشم بددور آنکھ ایسی ہے نشیلی یار کی

محتسب کے منہ میں پانی دیکھ کر بھر آئے گا

عشوہ چالاکی کرشمہ ناز غمزہ یار کا

گرچہ ہے قہر خدا پر دل کو میرے بھائے گا

لے چلی گر وحشت دل جانب صحرا وقارؔ

رنج و حرماں پاؤں در پر یار کے پھیلائے گا

dekh kar mai munh mein pani shaikh ke bhar aega

chiz achchhi dekhega muflis ka ji lalchaega

shola bharka kar rahegi ye dabi ag ek din

gar wo thandi garmiyon se dil mira silgae ga

kakul-e-purpech se hasil hua ye mu ba mu

hath ko jo khinch lega paon ko phailaega

zabt-e-girya se hai nuqsan qasr-e-tan ke waste

baith hi jaega ghar pani agar mar jaega

chashm-e-baddur ankh aisi hai nashili yar ki

mohtasib ke munh mein pani dekh kar bhar aega

ishwa chalaki karishma naz ghamza yar ka

garche hai qahr-e-khuda par dil ko mere bhaega

le chali gar wahshat-e-dil janib-e-sahra waqar

ranj-o-hirman paon dar par yar ke phailaega