دیکھ کر روئے صنم کو نہ بہل جاؤں گا

دیکھ کر روئے صنم کو نہ بہل جاؤں گا

مرتے دم لے کے سنبھالا تو سنبھل جاؤں گا

تن کفن پوش تو ہو اور ہی پیراہن میں

اجلے کپڑے میں بدلتے ہی بدل جاؤں گا

چمن دہر میں وہ برگ خزانی ہوں میں

گر نہ برباد ہوا آگ میں جل جاؤں گا

ہوں وہ ثابت قدم اے چرخ جو بھونچال بھی آئے

چاہے ٹل جائے زمیں میں نہیں ٹل جاؤں گا

میں وہ افتادۂ چشم و نظر عالم ہوں

پاؤں پکڑے گی زمیں بھی تو پھسل جاؤں گا

ساز و سامان طرب کچھ نہ اگر ہاتھ آیا

جھانجھ ہو کر کف افسوس ہی مل جاؤں گا

شادؔ بہکوں نہ کبھی نشۂ دولت ہو ہزار

کچھ میں کم ظرف نہیں ہوں جو ابل جاؤں گا

dekh kar ru-e-sanam ko na bahal jaunga

marte dam le ke sambhala to sambhal jaunga

tan kafan posh to ho aur hi pairahan mein

ujle kapre mein badalte hi badal jaunga

chaman-e-dahr mein wo barg-e-khuzzani hun main

gar na barbad hua ag mein jal jaunga

hun wo sabit qadam ai charkh jo bhaunchal bhi ae

chahe tal jae zamin mein nahin tal jaunga

main wo uftada-e-chashm-o-nazar alam hun

paon pakregi zamin bhi to phisal jaunga

saz-o-saman-e-tarab kuchh na agar hath aya

jhanjh ho kar kaf-e-afsos hi mil jaunga

shad bahkun na kabhi nasha-e-daulat ho hazar

kuchh main kam zarf nahin hun jo ubal jaunga