باغ جہاں میں سرو سا گردن کشیدہ ہوں

باغ جہاں میں سرو سا گردن کشیدہ ہوں

دامن تعلقات سے عالم کے چیدہ ہوں

اس قافلہ کو نالہ سنانے کا ذوق نیں

مثل جرس کے میں نہ دہان دریدہ ہوں

نیں بھولنے کا مثل جرس کی فغاں کے تئیں

نالاں ہوں دل اگرچہ لب آرمیدہ ہوں

بسمل ہوں دل فگار ہوں اور جاں بہ لب ہوں آہ

صورت عیاں ہے نالہ کی حلق بریدہ ہوں

رکھتا ہوں اس لیے دل سوزاں و چشم تر

جیوں شمع درد داغ سے عشق آفریدہ ہوں

bagh-e-jahan mein sarw sa gardan kashida hun

daman taalluqat se alam ke chida hun

is qafila ko nala sunane ka zauq-e-nain

misl-e-jaras ke main na dahan-e-darida hun

nain bhulne ka misl-e-jaras ki fughan ke tain

nalan hun dil agarche lab-e-armida hun

bismil hun dil-e-figar hun aur jan ba lab hun ah

surat ayan hai nala ki halq-e-burida hun

rakhta hun is liye dil-e-sozan-o-chashm-e-tar

jyun shama dard dagh se ishq afrida hun