دیکھ کر شمع کے آغوش میں پروانے کو

دیکھ کر شمع کے آغوش میں پروانے کو

دل نے بھی چھیڑ دیا شوق کے افسانے کو

ذرے ذرے سے گلستاں میں برستی ہے بہار

کون ایسے میں سنبھالے ترے دیوانے کو

طور نے جس سے حیات ابدی پائی ہے

لاؤ دہراؤں میں پھر سے اسی افسانے کو

دل سرشار مرا چشم سیہ مست تری

جذبہ ٹکرا دے نہ پیمانے سے پیمانے کو

صبح کو دیکھ لے اس شمع کا انجام کوئی

جس نے پھونکا شب امید میں پروانے کو

dekh kar shama ke aghosh mein parwane ko

dil ne bhi chher diya shauq ke afsane ko

zarre zarre se gulistan mein barasti hai bahar

kaun aise mein sambhale tire diwane ko

tur ne jis se hayat-e-abadi pai hai

lao dohraun mein phir se isi afsane ko

dil-e-sarshar mira chashm-e-siyah mast tiri

jazba takra de na paimane se paimane ko

subh ko dekh le is shama ka anjam koi

jis ne phunka shab-e-ummid mein parwane ko