دیکھنا جن صورتوں کا شکل تھی آرام کی

دیکھنا جن صورتوں کا شکل تھی آرام کی

ان سے ہیں مسدود راہیں نامہ و پیغام کی

رخصت اے اہل وطن اب ہم ہیں اور آوارگی

حق رکھے بنیاد قائم گردش ایام کی

یاد نے ان تنگ کوچوں کی فضا صحرا کی دیکھ

ہر قدم پر جان ماری ہے دل ناکام کی

گردش چشم بتاں کہ بسکہ ساغر نوش ہے

گردش گردوں کو ہم کہتے تھے گردش جام کی

جب سے کھینچا لطفؔ رنج فرقت یار و دیار

اب ہوئی معلوم محنت گردش ایام کی

dekhna jin suraton ka shakl thi aram ki

un se hain masdud rahen nama-o-paigham ki

rukhsat ai ahl-e-watan ab ham hain aur awargi

haq rakhe buniyad qaim gardish-e-ayyam ki

yad ne un tang kuchon ki faza sahra ki dekh

har qadam par jan mari hai dil-e-nakam ki

gardish-e-chashm-e-butan ke baske saghar nosh hai

gardish-e-gardun ko ham kahte the gardish jam ki

jab se khincha lutf-e-ranj-e-furqat-e-yar-o-dayar

ab hui maalum mehnat gardish-e-ayyam ki