دیکھو تو کس ادا سے رخ پر ہیں ڈالی زلفیں

دیکھو تو کس ادا سے رخ پر ہیں ڈالی زلفیں

جوں مار ڈستی ہیں دل دلبر کی کالی زلفیں

چاہے ہیں جس نہ تس کو باندھیں گرہ میں اپنی

دل لینے کو بلا ہیں یہ پیچ والی زلفیں

مثل سلاسل اس میں عقدے ہزارہا ہیں

ٹک پیچ و تاب سے میں دیکھیں نہ خالی زلفیں

مار سیہ جدا کب رہتا ہے گنج زر سے

ہوتی نہیں ہیں اس کے رخ سے نرالی زلفیں

تھی رات جو یکایک دن دیکھنے لگے سب

جب آفتابؔ اس نے رخ سے اٹھا لی زلفیں

dekho to kis ada se rukh par hain dali zulfen

jun mar dasti hain dil dilbar ki kali zulfen

chahe hain jis na tis ko bandhen girah main apni

dil lene ko bala hain ye pech wali zulfen

misl-e-salasil is mein uqde hazarha hain

tuk pech-o-tab se main dekhen na khali zulfen

mar-e-siyah juda kab rahta hai ganj-e-zar se

hoti nahin hain us ke rukh se nirali zulfen

thi rat jo yakayak din dekhne lage sab

jab aftab us ne rukh se utha li zulfen