دنیا والوں نے چاہت کا مجھ کو صلہ انمول دیا

دنیا والوں نے چاہت کا مجھ کو صلہ انمول دیا

پیروں میں زنجیریں ڈالیں ہاتھوں میں کشکول دیا

اتنا گہرا رنگ کہاں تھا رات کے میلے آنچل کا

یہ کس نے رو رو کے گگن میں اپنا کاجل گھول دیا

یہ کیا کم ہے اس نے بخشا ایک مہکتا درد مجھے

وہ بھی ہیں جن کو رنگوں کا اک چمکیلا خول دیا

مجھ سا بے مایہ اپنوں کی اور تو خاطر کیا کرتا

جب بھی ستم کا پیکاں آیا میں نے سینہ کھول دیا

بیتے لمحے دھیان میں آ کر مجھ سے سوالی ہوتے ہیں

تو نے کس بنجر مٹی میں من کا امرت ڈول دیا

اشکوں کی اجلی کلیاں ہوں یا سپنوں کے کندن پھول

الفت کی میزان میں میں نے جو تھا سب کچھ تول دیا

duniya walon ne chahat ka mujh ko sila anmol diya

pairon mein zanjiren dalen hathon mein kashkol diya

itna gahra rang kahan tha rat ke mele anchal ka

ye kis ne ro ro ke gagan mein apna kajal ghol diya

ye kya kam hai us ne bakhsha ek mahakta dard mujhe

wo bhi hain jin ko rangon ka ik chamkila khol diya

mujh sa be maya apnon ki aur to khatir kya karta

jab bhi sitam ka paikan aya main ne sina khol diya

bite lamhe dhyan mein a kar mujh se sawali hote hain

tu ne kis banjar mitti mein man ka amrit dol diya

ashkon ki ujli kaliyan hun ya sapnon ke kundan phul

ulfat ki mizan mein main ne jo tha sab kuchh tol diya