دو عالم کے آفات سے دور کر دے
سہا مجددیدو عالم کے آفات سے دور کر دے
اک ایسی نظر چشم مخمور کر دے
نصیب محبت ہے اب وہ تمنا
انہیں جو تغافل سے معذور کر دے
ترے قرب کی ہائے یہ شان کیا ہے
جو ادراک ہستی سے بھی دور کر دے
کوئی کس طرح پائے اس ہم نشیں کو
جسے جستجو منزلوں دور کر دے
جمال اس کو کہئے کہ پرتو ہی جس کا
حجابوں کو نور علیٰ نور کر دے
نہ اب ہوش کا بس نہ طاقت جنوں میں
کہ حال طبیعت بدستور کر دے
سہاؔ جلوۂ شوخ شاداب ان کا
شباب گلستاں کو بے نور کر دے
do alam ke afat se dur kar de
ik aisi nazar chashm-e-makhmur kar de
nasib-e-mohabbat hai ab wo tamanna
unhen jo taghaful se maazur kar de
tire qurb ki hae ye shan kya hai
jo idrak-e-hasti se bhi dur kar de
koi kis tarah pae is ham nashin ko
jise justuju manzilon dur kar de
jamal us ko kahiye ke partau hi jis ka
hijabon ko nur-e-ali nur kar de
na ab hosh ka bas na taqat junun mein
ke hal-e-tabiat badastur kar de
saha jalwa-e-shokh shadab un ka
shabab-e-gulistan ko be nur kar de