بادہ کشی کے سکھلاتے ہیں کیا ہی قرینے ساون بھادوں

بادہ کشی کے سکھلاتے ہیں کیا ہی قرینے ساون بھادوں

کیفیت کے ہم نے جو دیکھا دو ہیں مہینے ساون بھادوں

دیکھے نہ ہوں گے آج تلک یہ ایسے کسی نے ساون بھادوں

چشم کی دولت ہم کو رہے ہیں بارہ مہینے ساون بھادوں

چھوٹے ہیں فوارۂ مژگاں روز و شب ان آنکھوں سے

یوں نہ برستے دیکھے ہوں گے مل کے کسی نے ساون بھادوں

ٹانکنے کو پھرتی ہے بجلی اس میں گوٹ تمامی کی

دامن ابر کے ٹکڑوں کو جب لگتے ہیں سینے ساون بھادوں

بھولے دم کی آمد و شد ہم یاد کر اس جھولے کی پینگیں

سوجھے ہے بے یار نہ دیں گے آہ یہ جینے ساون بھادوں

کیونکہ نہ یہ در ہائے تگرگ اے بادہ پرستو! برسائیں

کان گہر چھٹ زر کے نہیں رکھتے گنجینے ساون بھادوں

کان جواہر کیونکہ نہ سمجھے کھیت کو دہقاں اولوں سے

برساتے ہیں موتیوں میں ہیروں کے نگینے ساون بھادوں

ابر سیہ میں دیکھی تھی بگلوں کی قطار اس شکل سے ہم نے

یاد دلائے پھر کے ترے دندان و مسی نے ساون بھادوں

کھیت رکھے گی آخر اک دن فرقت دہقاں پسر کی نصیرؔ

کرتے ہیں جوں گندم شق مغلوں کے سینے ساون بھادوں

bada kashi ke sukhlate hain kya hi qarine sawan bhadon

kaifiyat ke ham ne jo dekha do hain mahine sawan bhadon

dekhe na honge aj talak ye aise kisi ne sawan bhadon

chashm ki daulat ham ko rahe hain bara mahine sawan bhadon

chhote hain fawwara-e-mizhgan roz-o-shab in ankhon se

yun na baraste dekhe honge mil ke kisi ne sawan bhadon

tankne ko phirti hai bijli is mein got tamami ki

daman abr ke tukron ko jab lagte hain sine sawan bhadon

bhule dam ki amad-o-shud ham yad kar is jhule ki pingen

sujhe hai be yar na denge ah ye jine sawan bhadon

kyunke na ye dar ha-e-tagrg ai bada purastu! barsaen

kan guhar chhut zar ke nahin rakhte ganjine sawan bhadon

kan-e-jawahir kyunke na samjhe khet ko dehqan awwalon se

barasite hain motiyon mein hiron ke nagine sawan bhadon

abr-e-siyah mein dekhi thi bigulon ki qatar is shakl se ham ne

yad dilae phir ke tire dandan-o-missi ne sawan bhadon

khet rakhegi akhir ik din furqat dehqan pisar ki nasir

karte hain jun gandum shaqq mughlon ke sine sawan bhadon