دنیا کو ولولہ دل ناشاد سے ہوا

دنیا کو ولولہ دل ناشاد سے ہوا

یہ طول اس خلاصۂ ایجاد سے ہوا

فصل جنوں میں سینہ و ناخن کو میرے دیکھ

کیا بے ستوں پہ تیشہ فرہاد سے ہوا

رحمت نے بڑھ کے سرد جہنم کو کر دیا

کیسا قصور یہ دل ناشاد سے ہوا

خوش ہوں میں وقت نزع خوشا لذت فراغ

جو کچھ ہوا وہ آپ کے ارشاد سے ہوا

یہ ہے حقیقت عدم و عالم وجود

وہ خامشی سے یہ مری فریاد سے ہوا

نا واقف رسوم محبت ہے کوئی چیز

انساں عزیزؔ شیوۂ فریاد سے ہوا

duniya ko walwala dil-e-nashad se hua

ye tul is khulasa-e-ijad se hua

fasl-e-junun mein sina-o-nakhun ko mere dekh

kya be sutun pe tesha-e-farhad se hua

rahmat ne barh ke sard jahannam ko kar diya

kaisa qusur ye dil-e-nashad se hua

khush hun main waqt-e-nazaa khusha lazzat-e-faragh

jo kuchh hua wo ap ke irshad se hua

ye hai haqiqat adam-o-alam-e-wajud

wo khamushi se ye miri fariyad se hua

na waqif-e-rusum-e-mohabbat hai koi chiz

insan aziz shewa-e-fariyad se hua