دو دن سے کچھ بنی تھی سو پھر شب بگڑ گئی

دو دن سے کچھ بنی تھی سو پھر شب بگڑ گئی

صحبت ہماری یار سے بے ڈھب بگڑ گئی

واشد کچھ آگے آہ سی ہوتی تھی دل کے تئیں

اقلیم عاشقی کی ہوا اب بگڑ گئی

گرمی نے دل کی ہجر میں اس کے جلا دیا

شاید کہ احتیاط سے یہ تب بگڑ گئی

خط نے نکل کے نقش دلوں کے اٹھا دیئے

صورت بتوں کی اچھی جو تھی سب بگڑ گئی

باہم سلوک تھا تو اٹھاتے تھے نرم گرم

کاہے کو میرؔ کوئی دبے جب بگڑ گئی

do din se kuchh bani thi so phir shab bigar gai

sohbat hamari yar se be dhab bigar gai

washud kuchh age ah si hoti thi dil ke tain

iqlim ashiqi ki hawa ab bigar gai

garmi ne dil ki hijr mein us ke jala diya

shayad ke ehtiyat se ye tab bigar gai

khat ne nikal ke naqsh dilon ke utha diye

surat buton ki achchhi jo thi sab bigar gai

baham suluk tha to uthate the narm garm

kahe ko mir koi dabe jab bigar gai