دوانہ مجھ سا کب جیتا ہے کیوں تدبیر کرتے ہیں
انعام اللہ خاں یقیندوانہ مجھ سا کب جیتا ہے کیوں تدبیر کرتے ہیں
کوئی دن چلنے پھرنے دیں عبث زنجیر کرتے ہیں
ہوائے گرم کے لگنے سے کب پتھر پگھلتا ہے
یہ نالے ان بتوں کے دل میں کب تاثیر کرتے ہیں
خدا کی بندگی کہئے اسے یا عشق معشوقی
یہ نسبت ایک ہے سو سو طرح تعبیر کرتے ہیں
دوانے ہیں سیانے چھوڑ دو تم نقش کو ان کے
پرائے گھر کی پریوں کے تئیں تسخیر کرتے ہیں
نگہ کرنے میں ان کے کام ہوتا ہے تمام اس کا
یقیںؔ کے حق میں یہ خوباں بہت تقصیر کرتے ہیں
diwana mujh sa kab jita hai kyun tadbir karte hain
koi din chalne phirne den abas zanjir karte hain
hawa-e-garm ke lagne se kab patthar pighalta hai
ye nale un buton ke dil mein kab tasir karte hain
khuda ki bandagi kahiye use ya ishq maashuqi
ye nisbat ek hai sau sau tarah taabir karte hain
diwane hain siyane chhor do tum naqsh ko un ke
parae ghar ki pariyon ke tain taskhir karte hain
nigah karne mein un ke kam hota hai tamam us ka
yaqin ke haq mein ye khuban bahut taqsir karte hain