دنیا دیکھی زمانہ دیکھا
شاہ اکبر داناپوریدنیا دیکھی زمانہ دیکھا
تجھ کو سب میں یگانہ دیکھا
مے بھی پی مے خانہ دیکھا
ربط خم و پیمانہ دیکھا
سب کچھ دیکھا آنکھ سے اپنی
تجھ کو اگر جانانہ دیکھا
دیکھا تیرا جلوہ مہوش
ناز معشوقانہ دیکھا
کیسی کیسی صورتیں دیکھیں
دل کو آئنہ خانہ دیکھا
گردش چشم ستم گر دیکھی
پلٹا کھاتے زمانہ دیکھا
ساتھی ہم نے تجھ کو پایا
سب مطلب کا زمانہ دیکھا
ہم نے چشم مست کا تیری
اک عالم مستانہ دیکھا
دل کی جلن سے آگ میں کودا
کیوں سوز پروانہ دیکھا
کیا کیا عشق میں سختی جھیلی
اکبرؔ کو مردانہ دیکھا
duniya dekhi zamana dekha
tujh ko sab mein yagana dekha
mai bhi pi mai khana dekha
rabt kham-o-paimana dekha
sab kuchh dekha ankh se apni
tujh ko agar janana dekha
dekha tera jalwa mahwash
naz maashuqana dekha
kaisi kaisi suraten dekhen
dil ko aina khana dekha
gardish chashm-e-sitam gar dekhi
palta khate zamana dekha
sathi ham ne tujh ko paya
sab matlab ka zamana dekha
ham ne chashm-e-mast ka teri
ik alam mastana dekha
dil ki jalan se ag mein kuda
kyun soz-e-parwana dekha
kya kya ishq mein sakhti jheli
akbar ko mardana dekha