دلوں پر یہ نقش اس نے اپنا بٹھایا

دلوں پر یہ نقش اس نے اپنا بٹھایا

کہ جو چوٹ پر صید آیا بٹھایا

مثال کبوتر مرے دل کو اس نے

بھگایا بلایا اٹھایا بٹھایا

ترے آتشیں حسن نے شمع کو شب

کھپایا جلایا گلایا بٹھایا

اٹھایا اسی غم نے دنیا سے پیارے

کبھی تم نے ہم کو نہ تنہا بٹھایا

سمجھ تیری الٹی ہے اے جان عالم

کہ اپنا اٹھایا پرایا بٹھایا

نہ بولے لحد میں بھی ہم ڈر سے تیرے

فرشتوں نے کتنا جگایا بٹھایا

گیا کوٹھے پر وہ یہ کی مہ نے عظمت

کہ اجلا بچھونا بچھایا بٹھایا

یہ وہ قیس ہے خاص شاگرد میرا

پکڑ کان جس کو اٹھایا بٹھایا

وقارؔ اس غزل کی زمیں حد بری تھی

بہت زور دے کر بٹھایا بٹھایا

dilon par ye naqsh us ne apna bithaya

ke jo chot par said aya bithaya

misal-e-kabutar mire dil ko us ne

bhagaya bulaya uthaya bithaya

tire atishin husn ne shama ko shab

khapaya jalaya gilaya bithaya

uthaya isi gham ne duniya se pyare

kabhi tum ne ham ko na tanha bithaya

samajh teri ulti hai ai jan-e-alam

ke apna uthaya paraya bithaya

na bole lahad mein bhi ham dar se tere

farishton ne kitna jagaya bithaya

gaya kothe par wo ye ki mah ne azmat

ke ujla bichhauna bichhaya bithaya

ye wo qais hai khas shagird mera

pakar kan jis ko uthaya bithaya

waqar is ghazal ki zamin had buri thi

bahut zor de kar bithaya bithaya