دن چھپا اور غم کے سائے ڈھلے

دن چھپا اور غم کے سائے ڈھلے

آرزو کے نئے چراغ جلے

ہم بدلتے ہیں رخ ہواؤں کا

آئے دنیا ہمارے ساتھ چلے

لب پہ ہچکی بھی ہے تبسم بھی

جانے ہم کس سے مل رہے ہیں گلے

دل کے ان حوصلوں کا حال نہ پوچھ

جو ترے دامن کرم میں پلے

کون یاد آ گیا اذاں کے وقت

بجھتا جاتا ہے دل چراغ جلے

مصلحت سرنگوں خرد خاموش

عشق کے آگے کس کی دال گلے

din chhupa aur gham ke sae dhale

arzu ke nae charagh jale

ham badalte hain rukh hawaon ka

ae duniya hamare sath chale

lab pe hichki bhi hai tabassum bhi

jane ham kis se mil rahe hain gale

dil ke in hauslon ka hal na puchh

jo tire daman-e-karam mein pale

kaun yad a gaya azan ke waqt

bujhta jata hai dil charagh jale

maslahat sarnigun khirad khamosh

ishq ke age kis ki dal gale