دم بخود بیٹھ کے خود جیسے زباں گیلی ہے

دم بخود بیٹھ کے خود جیسے زباں گیلی ہے

سانس کیا لوں کہ ہوا دہر کی زہریلی ہے

بن گیا قطرۂ ناچیز ترقی سے گہر

ذات ہے ایک فقط نام کی تبدیلی ہے

لاگ نے جس کی مجھے پھونکا ہے اندر اندر

شمع اس آگ کی اک ہیئت تمثیلی ہے

مل کے مٹی تری چوکھٹ کی ہوا خاک سے پاک

جو لکیر اب مرے ماتھے کی ہے چمکیلی ہے

پھر اڑانا ہیں گریباں کے مجھی کو پرزے

ہاتھ بے کار ابھی تھے کی قبا سی لی ہے

آرزوؔ ہوگا یہ مقتل ہی عزا خانہ بھی

شفقی فرش زمیں کا ہے تو چھت نیلی ہے

dam bakhud baith ke khud jaise zaban gili hai

sans kya lun ke hua dahr ki zahrili hai

ban gaya qatra-e-nachiz taraqqi se guhar

zat hai ek faqat nam ki tabdili hai

lag ne jis ki mujhe phunka hai andar andar

shama is ag ki ik haiat-e-tamsili hai

mil ke mitti tiri chaukhat ki hawa khak se pak

jo lakir ab mire mathe ki hai chamkili hai

phir urana hain gareban ke mujhi ko purze

hath be kar abhi the ki qaba si li hai

arzu hoga ye maqtal hi aza khana bhi

shafaqi farsh-e-zamin ka hai to chhat nili hai